தமிழ்நாடு தொழில் வணிக ஆணையரக பணிக்கான TNPSC தேர்வு அறிவிப்பு!

தமிழ்நாடு தொழில் வணிக ஆணையரகத்தில் உதவி இயக்குநர் பணிக்கான டி.என்.பி.எஸ்.சி தேர்வுகள் அறிவிக்கப்பட்டுள்ளது. இது பற்றிய விபரங்களை இங்கு காணலாம்.

Tamil Nadu Public Service Commsision எனப்படும் தமிழ்நாடு அரசுப் பணியாளர் தேர்வாணையம் டிசம்பர் 2 ஆம் தேதி, குறு அறிவிப்பு ஒன்றை வெளியிட்டுள்ளது. அதன்படி, தமிழ்நாடு தொழில் வணிக ஆணையரகத்தில் உதவி இயக்குநர் (டெக்னிக்கல்), உதவி சூப்பிரண்டு (கெமிக்கல் பிரிவு) ஆகிய பதவிகள் டி.என்.பி.எஸ்.சி மூலம் நிரப்பப்படுகிறது.

தஞ்சாவூர் ஆவின் நிறுவனத்தில் புதிய வேலைவாய்ப்பு! 10,12, டிகிரி முடித்தவர்கள் விண்ணப்பிக்கலாம்!!

அடுத்த ஆண்டு ஏப்ரல் 26 ஆம் தேதி இந்த பணிகளுக்கான டி.என்.பி.எஸ்.சி தேர்வு நடைபெறுகிறது. இது பற்றிய முழுமையான அறிவிப்பு டி.என்.பி.எஸ்.சி இணையதளத்தில் விரைவில் வெளியிடப்படுகிறது. உதவி இயக்குநர் பதவிக்கான விண்ணப்பப்பதிவு டிசம்பர் 9 ஆம் தேதி தொடங்கிறது. ஜனவரி 8 ஆம் தேதி விண்ணப்பிப்பதற்கான கடைசி நாள் ஆகும்.

இதற்கு முன்பு கடந்த 2017 ஆம் ஆண்டு இதே போல், தொழில் வணிக ஆணையரகத்தில் உதவி இயக்குநர் பணிக்கான டி.என்.பி.எஸ்.சி அறிவிக்கை வெளியானது. அதன்படி பார்த்தால், உதவி இயக்குநர் பணிக்கு மாதம் ரூ.15,600 முதல் ரூ.39,100 வரையில் சம்பளம் நிர்ணயிக்கப்படலாம். மேலும், வணிகவியல், கணிதம், புள்ளியியல் ஆகிய ஏதேனும் ஒன்றில் முதுநிலைப் பட்டம் பெற்றிருக்க வேண்டும் என்று தெரிவிக்கப்பட்டிருந்தது.

தேர்வுகள் இல்லை.. தமிழக அரசில் உதவியாளர் வேலை.. 8 ஆம் வகுப்பு படித்திருந்தால் போதும்..

இந்த ஆண்டும் அதே போன்று தான், தொழில் வணிக ஆணையரகத்தில் உதவி இயக்குநர் பணிக்கு வயது வரம்பு, கல்வித்தகுதி, விண்ணப்பக்கட்டணம் இருக்கும் என்று எதிர்பார்க்கப்படுகிறது. இருப்பினும் அதிகாரப்பூர்வ அறிவிப்பு வந்த பிறகே முழுமையான விபரங்கள் தெரியவரும். எனவே, விண்ணப்பதாரர்கள் டிசம்பர் 9 ஆம் தேதி, அதிகாரப்பூர்வ அறிவிப்பைப் பார்த்து விட்டு விண்ணப்பிக்கும்படி அறிவுறுத்தப்படுகிறார்கள்.