தட்டச்சு பணிக்கான TNPSC கலந்தாய்வு தேதி அறிவிப்பு!

கடந்தாண்டு ஜூன் மாதம் டி.என்.பி.எஸ்.சி குரூப் 4 பணிக்கான அறிவிக்கை வெளியிடப்பட்டிருந்தது. அதன்படி விண்ணப்பங்கள் பெறப்பட்டு, செப்டம்பர் மாதம் எழுத்துத்தேர்வு நடத்தப்பட்டது. இதன் முடிவுகள் நவம்பர் மாதம் வெளியானது.

இந்த நிலையில், குரூப் 4 சுருக்கெழுத்து தட்டச்சர் நிலை III பதவிக்கான சான்றிதழ் சரிபார்ப்பு மற்றும் கலந்தாய்வு வரும் ஏப்ரல் 2, 3, 4, 7 ஆகிய தேதிகளில் நடைபெறும் என்று அறிவிக்கப்பட்டுள்ளது. சுருக்கெழுத்து தட்டச்சர் பணிக்கு தெரிவு செய்யப்பட்டவர்களின் விவரங்கள் www.tnpsc.gov.in இணையதளத்தில் வெளியிடப்பட்டுள்ளது.

தேர்வு செய்யப்பட்டவர்கள், குறிப்பிட்ட நாளில், சென்னை டி.என்.பி.எஸ்.சி அலுவலகத்தில் வைத்து நடைபெறும், கலந்தாய்வில் கலந்து கொள்ள வேண்டும். இதற்கான தேதி, நேரம், விவரங்கள் அடங்கிய அழைப்புக்கடிதம் டி.என்.பி.எஸ்.சி இணையதளத்தில் பதிவிறக்கம் செய்து கொள்ளலாம். விண்ணப்பதாரர்கள் சான்றிதழ் சரிபார்ப்பு மற்றும் கலந்தாய்விற்கு அவர்களுக்கு உரிய நாளில் வரத்தவறினால், மறுவாய்ப்பு அளிக்கப்படமாட்டாது என்றும் தெரிவிக்கப்பட்டுள்ளது.

• தமிழ்நாடு காவல்துறையில் வேலை! உடற்தகுதியே தேவையில்லை!!
• கன்னியாகுமரி கூட்டுறவு நிறுவனத்தில் வேலை!