TNPSC Answer key 2019: டிஎன்பிஎஸ்சி பொறியியல் தேர்வு விடைக்குறிப்புகள் வெளியீடு

டிஎன்பிஎஸ்சி நடத்தும் ஒருங்கிணைந்த பொறியியல் பணிகளுக்கான தேர்வு விடைக்குறிப்புகள் வெளியிடப்பட்டுள்ளது.

தமிழ்நாடு அரசுப் பணியாளர் தேர்வாணையம் (டிஎன்பிஎஸ்சி) பல்வேறு பொறியியல் சார்ந்த பணிகளுக்கான சி.இ.எஸ்.இ. தேர்வை நடத்துகிறது. இந்த ஆண்டு ஆகஸ்ட் 10ஆம் தேதி இத்தேர்வு நடைபெற்றது.

இதனைத் தொடர்ந்து இத்தேர்வுக்கான விடைக்குறிப்புகள் டிஎன்பிஎஸ்சி இணையதளத்தில் வெளியிடப்பட்டுள்ளது. டிஎன்பிஎஸ்சி சிஇஎஸ்இ தேர்வுக்கு விண்ணப்பித்திருந்தவர்கள் http://tnpsc.gov.in/ என்ற அதிகாரப்பூர்வ இணையதளத்தில் விடைக்குறிப்புகளை டவுன்லோட் செய்துகொள்ளலாம் அல்லது கீழ்க்காணும் இணைப்பை கிளிக் செய்தும் விடைக்குறிப்புகள் டவுன்லோட் செய்யும் பக்கத்துக்கு நேரடியாகச் செல்லலாம்.

TNPSC Combined Engineering Services Examination - ANSWER KEY 2019

நீர்வளத்துறை, பொதுப்பணித்துறை, சுகாதாரத்துறை, மீன்வளத்துறை உள்ளிட்ட பல துறைகளில் பொறியியல் பணிகளுக்கான இடங்களை நிரப்ப இந்தத் தேர்வு நடத்தப்படுகிறது. மொத்தம் 475 காலிப் பணியிடங்களில் தகுதியான நபர்கள் பணி அமர்த்தப்படுவார்கள்.

இரண்டு தாள்களாக நடைபெற்ற இத்தேர்வில் முதல் தாள் தேர்வு துறை சார்ந்ததாகவும் இரண்டாம் தாள் தேர்வு பொது அறிவு தொடர்பானதாகவும் இருந்தது. முதல் தாள் தேர்வு காலை 10 மணி முதல் பகல் 1 மணி வரையும் இரண்டாம் தாள் தேர்வு பிற்பகல் 2.30 மணி முதல் மாலை 4.30 மணி வரை நடந்தன.