Work From Home: நீங்கள் வேலை செய்கிறீர்கள் என்பதை நிரூபிப்பது எப்படி?

மேலதிகாரிடத்தில் இருந்து எந்த மெசேஜ் வந்தாலும், எந்த இமெயில் வந்தாலும் அதற்கு உடனே ரிப்ளே செய்ய வேண்டும். அதே போல், உங்கள் வேலையில் ஏதேனும் இடையூறு ஏற்பட்டாலும் முதலில் அதை மேலதிகாரியிடம் தெரிவியுங்கள். அதன்பிறகு, அந்த இடையூறை சரி செய்யுங்கள். உதாரணத்திற்கு வீட்டில் சட்டென்று மின்சார தடை ஏற்பட்டிருக்கலாம். அப்போது மின்சாரம் மீண்டும் வரும் வரையில் பொறுத்திருக்கக் கூடாது. ஒரு பத்து நிமிடங்கள் மட்டும் பொறுத்திருந்து கரண்ட் வரவில்லை என்றால், மேலதிகாரியிடம் உடனே சொல்லிவிட வேண்டும். இதன் மூலம் உங்கள் நிலைமையை அவர்கள் புரிந்து கொள்வார்கள்.

Also Read this:

• அவ்வளவு வேலை செய்தும் மேலதிகாரி கண்டு கொள்ளவில்லையா?
• ஊரடங்கு முடிந்த பிறகும் Work From Home வழங்கப்படுமா?

ஆர்வக் கோளாறு வேண்டாம்:

மேலதிகாரியை ஈர்ப்பதற்காக ஆர்வக்கோளாறில் எல்லா வேலையையும் இழுத்துப் போட்டு செய்யாதீர்கள். உங்களுக்கென இருக்கும் வரைமுறைக்கு, உங்கள் எல்லைக்கு உட்பட்டு வேலை செய்தாலே போதுமானது. இன்னும் சிலர் இருப்பார்கள், நல்ல வேலை செய்கிறேன் என்பதை நிரூபிக்க அடுத்தவர்களின் வேலைகளையும் சேர்த்து செய்து காண்பிப்பார்கள். அதுவும் தவறானது. எனவே, உங்களுக்கு ஒதுக்கப்பட்ட வேலைகளை மட்டும் கச்சிதமாக செய்தாலே போதுமானது.

வீட்டில் இருந்து வேலை பார்க்கும் போது, நமது கவனத்தை சிதறடிக்கும் வகையில் பல்வேறு நிகழ்வுகள் நடைபெறும். உதாரணத்திற்கு குழந்தைகள் விளையாடுவார்கள், டிவியில் ஏதாவது பொழுதுபோக்கு நிகழ்ச்சி ஓடிக் கொண்டிருக்கும். எனவே, அவை அனைத்திலும் சிறிது கவனத்துடன் இருக்க வேண்டும்.

முடிந்த வரையில் வேலை நேரத்தில் தனி அறையில் இருக்க பழகிக் கொள்ளுங்கள். குழந்தைகளுடன் அதிக நேரத்தை செலவழிக்கக்கூடாது. சில நேரங்களில் மேலதிகாரியிடம் இருந்து போன் வரும், அதை கவனிக்க மறந்து விடுவோம். எனவே, வேலை நேரத்தில் சற்று விழிப்புடன் இருக்க வேண்டும்.