GATE 2019: கேட் தேர்வுக்கான மையங்களை மாற்றும் கால அவகாசம் நாளையுடன் நிறைவு!

கேட் தேர்வுக்கு விண்ணப்பித்தவர்கள், தங்கள் தேர்வு மையங்களை மாற்றும் வசதி தொடங்கி நடைபெற்று வரும் நிலையில், இதற்கான கால அவகாசம் நாளை நிறைவடைகிறது.

கேட் தேர்வு எழுதும் மாணவர்கள் தங்கள் தேர்வு மையங்களை மாற்றிகொள்ளும் வசதி நவம்பர் 13 ஆம் தேதி தொடங்கியது. தேர்வுக்கு விண்ணப்பித்தவர்கள், gate.iitm.ac.in என்ற அதிகாரப்பூர்வ இணையதள பக்கத்திற்கு சென்று தேர்வு மையத்தை பதிவு செய்ய வேண்டும். மேலும் இதற்கான கட்டணத்தை செலுத்தவேண்டும்.

தேர்வு மையங்களை மாற்றிக் கொள்வதற்கான கால அவகாசம் நாளையுடன் நிறைவடைகிறது.

கேட் தேர்வானது 2019ம் ஆண்டு பிப்ரவரி மாதம் 2, 3 மற்றும் 9, 10 ஆகிய தேதிகளில் நடைபெறுகிறது. கேட் தேர்வு விண்ணப்பங்களில் தவறு இருந்தால் மாற்றுவதற்கான கால அவகாசம் செப்டம்பர் 27 ஆம் தேதி தொடங்கியது.நடக்கவிருக்கும் கேட் தேர்வை ஐஐடி மெட்ராஸ் நடத்த உள்ளது. மொத்தம் 24 பாடங்களில் இந்த தேர்வு நடைபெறுகிறது.

இந்த வருடம் புதிதாக ஸ்டாடிஸ்டிக்ஸ் தொடர்பான பாடங்கள் இணைக்கப்பட்டுள்ளன. மேலும் 2019ம் ஆண்டு ஜனவரி மாதம் 4ம் தேதி கேட் தேர்வின் ஹால் டிக்கெட் வெளியாகும் என்று கூறப்படுகிறது. மேலும் தேர்வு முடிந்த 45 நாட்களுக்குள் முடிவுகள் வெளியாகும் என்று தகவல் வெளியாகியுள்ளது.