IAF Airmen Admit Card: இந்திய விமானப்படை தேர்வுக்கான முக்கிய அறிவிப்பு!

இந்திய விமானப்படையின் தேர்வுக்கான அடையாள அட்டை மற்றும் தேர்வு குறித்த விபரங்கள் அறிவிக்கப்பட்டுள்ளது.

இந்திய விமானப்படையில் காலியாக உள்ள குரூப் X மற்றும் Y பணியிடங்களை நிரப்புவதற்கான அறிவிப்பு அண்மையில் வெளியிடப்பட்டது. இந்த பணியில் சேர விரும்பும் விண்ணப்பதாரர்களுக்கு, தற்போது தேர்வுக்கான அடையாள அட்டை, நுழைவுச்சீட்டு, தேர்வு தேதிகள் அறிவிக்கப்பட்டுள்ளது.

அதன்படி, மார்ச் 14 முதல் 17ம் தேதி வரையில் எழுத்துத்தேர்வு நடத்தப்படுகிறது. குரூப் X மற்றும் Y இரு பிரிவுகளுக்கும் ஒரே நேரத்தில் தேர்வுகள் நடத்தப்படுகிறது. விண்ணப்பதார்கள் தங்களது தேர்வு நுழைவுச் சீட்டை airmenselection.cdac.in என்ற விமானப்படையின் அதிகாரப்பூர்வ வலைதளத்தில் இருந்து பெற்றுக்கொள்ளலாம்.

எழுத்துத்தேர்வு மற்றும் நேர்முகத்தேர்வில் வெற்றி பெறுபவர்கள், இந்திய விமானப்படையில் பயிற்சியில் அனுமதிக்கப்படுபவர்கள். அனைத்துக்கட்ட பயிற்சியும் நிறைவடைந்த பிறகு, அவரவர் பணியிடங்களுக்கு ஏற்ப குரூப் X மற்றும் குரூப் Y இல் நியமனம் செய்யப்படுவார்கள். எந்த இடத்திலும் இந்த பணியிடம் மாற்ற முடியாது. பயிற்சியின் போது மாதம் 14,600 ரூபாய் ஊக்கத்தொகையாக வழங்கப்படும்.