மத்திய அரசு அதிகாரி வேலை.!

மத்திய அரசுப் பணியாளர் தேர்வாணையம், பல்வேறு அரசுத் துறைகளில் ஏற்பட்டுள்ள 64 அதிகாரி பணியிடங்களை நிரப்ப அறிவிப்பு வெளியிட்டுள்ளது.

பணியிடங்கள்.!
வர்த்தகத்துறையின் கீழ் செயல்படும் பெட்ரோலியம் மற்றும் வெடிபொருள் பாதுகாப்பு கழகத்தில் டெபுடி கண்ட்ரோலர் ஆப் எக்ஸ்புளோசிவ் பணிக்கு 17 பேர், குடும்ப நலத்துறையில், உதவி பேராசிரியர் பணிக்கு 10 பேர், வேலைவாய்ப்பு இயக்குனரகத்தில் உதவி மண்டல வேலைவாய்ப்பு அதிகாரி பணிக்கு 8 பேர் உள்ளிட்ட பல்வேறு துறை பணியிடங்கள் இந்த அறிவிப்பின் மூலம் நிரப்பப்படுகிறது.

கல்வித்தகுதி.!
சோசியல் ஒர்க், லேபர் வெல்பர், சோசியல் வெல்பர் உள்ளிட்ட முதுநிலை படிப்புகள், மெக்கானிக்கல் என்ஜினீயரிங், எலக்ட்ரிக்கல் என்ஜினீயரிங், எம்.பி.பி.எஸ். பட்டப்படிப்பு, முதுநிலை மருத்துவ படிப்புகள், முதுநிலை இயற்பியல் உள்ளிட்ட படிப்புகளை படித்தவர்களுக்கு வாய்ப்பு உள்ளது. அந்தந்த பணிக்கான சரியான கல்வித்தகுதி, வயது வரம்பு விவரங்களை இணையதளத்தில் பார்க்கலாம்.

தேர்வு செய்யும் முறை.!
நேர்காணல் மற்றும் தேர்வின் அடிப்படையில் தகுதியானவர்கள் தேர்வு செய்யப்படுவார்கள். விருப்பம் உள்ளவர்கள் ரூ.25 கட்டணம் செலுத்தி, இணையதள விண்ணப்பத்தை சமர்ப்பிக்க வேண்டும். விண்ணப்பிக்க கடைசி நாள் 2-11-2017-ந் தேதியாகும்.

மேலும் விவரங்களுக்கு,
இதைப்பற்றிய விரிவான விவரங்களை தெரிந்து கொள்ள www.upsconline.nic.in என்ற இணையதள பக்கத்தைப் பார்க்கவும்.

Job in central government.