RRB CBT Level 1 Exam: வங்கிக்கணக்கு விபரங்கள் திருத்தம் செய்ய கால நீட்டிப்பு!

ஆர்ஆர்பி குரூப் டி தேர்வுக்கு விண்ணப்பம் செய்தவர்கள், தங்கள் வங்கி விபரங்களை திருத்தம் செய்வதற்கான காலம் ஏப்ரல் 10ம் தேதி நீட்டிக்கப்பட்டுள்ளது.

ரயில்வேயில் காலியாக உள்ள குரூப் டி பணியிடங்களை நிரப்புவதற்கு கடந்த செப்டம்பர் மாதம் இந்திய ரயில்வே தேர்வு வாரியம் மூலம் தேர்வு நடைபெற்றது. மொத்தம் 62 ஆயிரம் பணியிடங்களுக்கு, 1.17 கோடி பேர் விண்ணப்பித்து இருந்தனர். இந்த தேர்வு முடிவுகள் அண்மையில் வெளியிடப்பட்டது. இதையடுத்து விண்ணப்பக் கட்டணத்தை திருப்பி செலுத்தும் பணிகள் நடைபெற்றது. பொது மற்றும் ஓபிசி பிரிவினருக்கு பகுதி அளவிலான கட்டணம் திருப்பி செலுத்தப்படும். இதர பிரிவினருக்கு மொத்தக் கட்டணமும் திருப்பி செலுத்தப்படும். ஆனால், தற்போது அதிக எண்ணிக்கையிலான விண்ணப்பதாரர்கள், தங்களது வங்கிக்கணக்கு விபரங்களை சரியாக சமர்ப்பிக்கப்படவில்லை. இதனால், விண்ணப்பக் கட்டணத்தை திருப்பி செலுத்தும் பணி முழுமை பெறவில்லை.

இந்நிலையில், ஆர்ஆர்பி குரூப் டி தேர்வுக்கு விண்ணப்பம் செய்தவர்கள், தங்களுடைய வங்கிக்கணக்கு விபரங்களை திருத்தம் செய்து கொள்ளும் கால அவகாசம் நீட்டிக்கப்பட்டுள்ளது. இது குறித்து இந்திய ரயில்வே தேர்வு வாரியம் வெளியிட்டுள்ள அறிவிப்பில், ஏப்ரல் 10ம் தேதிக்குள் விண்ணப்பதாரர்கள் அவர்களுடைய வங்கிக்கணக்கு விபரங்களை திருத்தம் செய்து கொள்ள வேண்டும். ஏப்ரல் 10க்கு பிறகு திருத்தம் செய்வதற்கான லிங்க் ரத்து செய்யப்படும். விண்ணப்பதாரர்கள் http://www.rrbcdg.gov.in/ என்ற இணையதளத்துக்குச் சென்று தங்களுடைய வங்கி விபரங்களை திருத்தம் செய்ய வேண்டும். தமிழகத்தைச் சேர்ந்தவர்கள் http://rrbchennai.gov.in என்ற இணையதளம் வாயிலாகவும் வங்கிக்கணக்கு விபரங்களை திருத்தம் செய்து கொள்ளலாம்.