RRB JE Exam Update: உங்களுக்கு விருப்பமான மொழியிலேயே தேர்வு எழுதலாம்!

ரயில்வேயில் ஜூனியர் இன்ஜீனியர் பணிக்கான தேர்வுக்கு விண்ணப்பத்தவர்கள், தங்களது விருப்ப மொழியை தேர்ந்தெடுக்க வாய்ப்பு வழங்கப்பட்டுள்ளது. இதற்கு மே 1ம் தேதி கடைசி நாளாகும்.

ரயில்வே துறையில் காலியாக உள்ள இளநிலை பொறியாளர் பணிகளை நிரப்புவதற்கான அறிவிப்பு அண்மையில் வெளியிடப்பட்டது. இதற்கான தேர்வு மே மாத துவக்கத்தில் நடைபெறுகிறது. இந்நிலையில், தற்போது இந்த தேர்வுக்கு விண்ணப்பித்தவர்கள், தங்களுடைய தேர்வு எந்த மொழியில் இருக்க வேண்டும் என்பதை தேர்ந்தெடுக்கலாம் என்று அறிவிக்கப்பட்டுள்ளது. விருப்ப மொழியை தேர்ந்தெடுப்பதற்கான தேதி நேற்று (ஏப்ரல் 24) முதல் தொடங்கியுள்ளது.

விண்ணப்பதாரர்கள் தங்களது விருப்ப மொழியில் மாற்றம் செய்வதற்கான கடைசி நாள் 1 மே 2019 ஆகும். அதற்குப் பிறகு வரும் கோரிக்கைகள், திருத்தங்கள் ஏற்கப்படாது. எனவே, மே 1ம் தேதிக்குள் தேர்வர்கள் தங்களுக்கு எந்த மொழியில் தேர்வு இருக்க வேண்டும் என்பதை உறுதி செய்யும்படி அறிவுறுத்தப்படுகிறார்கள். இவ்வாறு மாற்றம் செய்யாத மற்றவர்களுக்கு, விண்ணப்பத்தை பூர்த்தி செய்யும் போது என்ன மொழி கொடுத்தார்களோ, அந்த மொழியில் தேர்வு நடைபெறும்.

ரயில்வே துறையில் மொத்தம் 13,847 இளநிலை பொறியாளர் பணியிடங்கள் நிரப்பப்படுகிறது. இதற்கான அறிவிப்பு கடந்த டிசம்பர் மாதம் இறுதியில் வெளியிடப்பட்டது. ஜனவரி 2ம் தேதி முதல் விண்ணப்பப் பதிவு தொடங்கியது. மொத்தம் இரண்டு கட்டங்களாக தேர்வுகள் நடைபெறுகிறது. முதல் நிலை Computer Based Test, இரண்டாம் நிலை சான்றிதழ் சரிபார்ப்பு, மருத்துவ பரிசோதனை ஆகும்.

அதிகாரப்பூர்வ இணையதளம்: http://www.rrbchennai.gov.in/
தேர்வு மொழியை தேர்ந்தெடுப்பதற்கான இணையதளம்: https://chennai.rrbonlinereg.in/changelanguage.html
விண்ணப்பதிவு தொடர்பான விபரங்களுக்கு: https://chennai.rrbonlinereg.in/
முழு விபரங்களுக்கு: http://www.rrbchennai.gov.in/downloads/notice-on-choice-of-exam-languagae-cen-03-2018.pdf