மத்திய அரசு பணிக்கான SSC தேர்வில் குறைந்தபட்ச வயது வரம்பு மாற்றம்!

SSC எனப்படும் மத்திய பணியாளர் தேர்வாணையம் கடந்த ஜூன் 4ம் தேதி முதல் 13ம் தேதி வரையில் ஒருங்கிணைந்த பட்டபடிப்பு பிரிவுக்கான தேர்வு (CGL tier-I) நடத்தியது. இந்த தேர்வின் முடிவுகள் வரும் ஆகஸ்ட் 20ம் தேதி வெளியிடும் வகையில் திட்டமிட்டுள்ளது.

இந்தநிலையில், தற்போது ஒருங்கிணைந்த பட்டப்பிரிவு தேர்வில் 'Tax Assistant'பணிக்கான வயது வரம்பை மத்திய பணியாளர் தேர்வாணையம் மாற்றியமைத்துள்ளது. முன்னதாக இந்த தேர்வு எழுவதற்கு குறைந்தபட்ச வயது 20 என்றும், அதிகபட்ச வயது 27 என்றும் நிர்ணயிக்கப்பட்டிருந்தது.

இதனையடுத்து எஸ்.எஸ்.சி வெளியிட்டுள்ள புதிய அறிவிப்பில், குறைந்தபட்ச வயதை 18 ஆக நிர்ணயம் செய்துள்ளது. எனவே, இனி வரும் காலங்களில் ஒருங்கிணைந்த பட்டப்படிப்பு பிரிவுக்கான தேர்வை, பட்டப்படிப்பில் சேர்ந்தவர்கள் அதாவது 18 வயது நிரம்பினாலே தகுதியுடையவர்களாக ஆகிறார்கள்.

Also Read This:

• தேடி வரும் தபால் துறை வேலை: 10 ஆயிரத்துக்கு மேல் காலியிடங்கள்!
• ஏர் இந்தியா நிறுவனத்தில் வேலைவாய்ப்பு!
• 10ஆம் வகுப்பு பாஸ் போதும்! தென்கிழக்கு மத்திய ரயில்வேயில் வேலை...

ஜூன் மாதம் நடைபெற்ற CGL tier-1 2018 தேர்வுக்கு மொத்தம் 25.97 லட்சம் பேர் விண்ணப்பித்தனர். அவர்களில் 8.37 லட்சம் பேர் தேர்வு எழுதினர். மொத்தம் 100 கேள்விகள் கேட்கப்பட்டன. ஒரு கேள்விக்கு 2 மதிப்பெண், தவறான பதிலுக்கு 0.50 நெகட்டிவ் மதிப்பெண் என்று இருந்தது. ஆகஸ்ட் 20ம் தேதி இந்த தேர்வுக்கான முடிவுகள் வெளியாகிறது. இதில் வெற்றி பெறுபவர்கள் tier-II, tier-III என அடுத்தக்கட்ட தேர்வுக்கு விண்ணப்பிக்க வேண்டும்.

டயர் II என்பது மெயின் தேர்வு ஆகும். அதில் தேர்ச்சி பெறுபவர்கள், tier III தேர்வுக்கு அனுமதிக்கப்படுவர். அதன்பிறகு, சான்றிதழ் சரிபார்ப்பு, கணினி அறிவுத்திறன் என tier IV தேர்வில் தேர்ச்சி பெற வேண்டும். இது பற்றிய முழுமையான விபரங்களுக்கு எஸ்.எஸ்.சி.,யின் அதிகாரப்பூர்வ இணையதளத்தில் (https://ssc.nic.in) தெரிந்து கொள்ளலாம்.