SSC: ஒருங்கிணைந்த பட்டபடிப்பு பிரிவு தேர்வுக்கான விடைக்குறிப்புகள் வெளியீடு!

ஒருங்கிணைந்த பட்டபடிப்பு பிரிவுக்கான (CGL) தேர்வு விடைக்குறிப்புகளை மத்திய பணியாளர் தேர்வாணையம் வெளியிட்டுள்ளது. விண்ணப்பதாரர்கள் இதனை ssc.nic.in என்ற இணையதளத்தில் தெரிந்து கொள்ளலாம்.

எஸ்.எஸ்.சி எனப்படும் மத்திய பணியாளர் தேர்வாணையம் ஒவ்வொரு ஆண்டும் ‘Combined Graduate Level (CGL)’ எனப்படும் ஒருங்கிணைந்த பட்டப்படிப்பு பிரிவுகளுக்கான தேர்வை நடத்தி வருகிறது. அந்த வகையில், கடந்த ஜூன் 4 முதல் 13ம் தேதி வரையில் சிஜிஎல் தேர்வு நடத்தப்பட்டது. இதற்கான அறிவிப்பு கடந்தாண்டு வெளியிடப்பட்டது.

இந்த நிலையில், ஒருங்கிணைந்த பட்டப்பிரிவுகளுக்காக நடத்தப்பட்ட எஸ்.எஸ்.சி தேர்வின் விடைக்குறிப்புகள் ஆன்லைனில் வெளியிடப்பட்டுள்ளது. விண்ணப்பதாரர்கள் இதனை மத்திய பணியாளர்கள் தேர்வாணையத்தின் அதிகாரப்பூர்வ இணையதளமான ssc.nic.in என்ற பக்கத்தில் சென்று பதிவிறக்கம் செய்து கொள்ளலாம்.

விடைகளில் ஏதேனும் குளறுபடிகள், பிழைகள் இருப்பதாக தேர்வர்கள் கருதினால், அது தொடர்பாக மேல்முறையீடு செய்யவும் வழிவகை செய்யப்பட்டுள்ளது. அதன்படி, வரும் 30ம் தேதி மாலை 5 மணிக்குள்ளாக மேல்முறையீடு செய்யலாம். இதற்காக ஒரு கேள்விக்கு 100 ரூபாய் கட்டணம் செலுத்த வேண்டும்.

விடைக்குறிப்புகள் மூலமாக விண்ணப்பதாரர்கள் தங்களது தேர்வு முடிவுகளையும் கணிக்க முடியும். மொத்தம் உள்ள கேள்விகளில் சரியான பதில்களை கணக்கிட்டு தேர்ச்சி சதவிதத்ததையும் தெரிந்து கொள்ளலாம். நேரடியாக விடைக்குறிப்புகள் பக்கத்திற்குச் செல்ல கீழ்கண்ட லிங்கை கிளிக் செய்யவும்.

Uploading of Tentative Answer Keys along with Candidates’ Response Sheet(s) of Combined Graduate Level Examination (Tier-I) – 2018