அரசு ஆசிரியர்களுக்கான பொது மாறுதல் கலந்தாய்வு; தேதி வெளியிட்ட தமிழக அரசு!

நடப்பு 2018-19ஆம் கல்வியாண்டிற்கான பொது மாறுதல் கலந்தாய்வு தேதி குறித்து தமிழக அரசு அறிவிப்பு வெளியிட்டுள்ளது.

இதுதொடர்பாக வெளியிடப்பட்டுள்ள செய்தி மக்கள் தொடர்புத் துறை இயக்குநரின் அறிக்கையில், 2018-19ஆம் கல்வி ஆண்டிற்கான பொது மாறுதல் கலந்தாய்வு ஆதிதிராவிடர் நலத்துறையின் கீழ் இயங்கும் ஆதிதிராவிடர் பழங்குடியினர் நல மேல்நிலைப்பள்ளி/ உயர்நிலைப்பள்ளி/ நடுநிலைப்பள்ளி/ ஆரம்பப்பள்ளி தலைமை ஆசிரியர்கள் மற்றும் முதுகலைப் பட்டதாரி ஆசிரியர்கள் ஆகிய பதவிகளுக்கு 24.10.2018 தேதியில் கலந்தாய்வு நடைபெறும்.

மேலும் பட்டதாரி/ தமிழாசிரியர்/ இடைநிலை ஆசிரியர் ஆகிய பதவிகளுக்கு மாவட்டத்திற்கு உள்ளும் மற்றும் மாவட்டம் விட்டு மாவட்டம் மாறுதல் 25.10.2018 தேதி காலை 10.00 மணியளவில் நடைபெறும்.

இதில் அந்தந்த மாவட்ட ஆதிதிராவிடர் மற்றும் பழங்குடியினர் நல அலுவலகத்தில் பொது மாறுதல் கலந்தாய்விற்கு ஆன்லைன் மூலம் மாறுதல் கோரி பதிவு செய்து விண்ணப்பித்தவர்கள் மட்டும் ஆன்லைன் கலந்தாய்வில் கலந்து கொள்ளலாம் என்று தெரிவிக்கப்பட்டுள்ளது.

Tamilnadu Govt announces Transfer date for Govt Teachers.