TNPSC 2019 தேர்வுக்கான ஹால்டிக்கெட் வெளியீடு!

டி.என்.பி.எஸ்.சி குரூப் 4 தேர்வுக்கான தேர்வு நுழைவுச்சீட்டு வெளியிடப்பட்டுள்ளது. விண்ணப்பதாரர்கள் இதனை tnpscexams.in என்ற இணையதளத்தின் மூலம் பதிவிறக்கம் செய்து கொள்ளலாம்.

தமிழகத்தில் காலியாக உள்ள 6491 கிராம நிர்வாக அலுவலர், இளநிலை உதவியாளர், தட்டச்சர், வரைவாளர், சுருக்கெழுத்தர் உள்ளிட்ட பணியிடங்களை நிரப்புவதற்கான குரூப் 4 தேர்வு வரும் செப்டம்பர் 1ம் தேதி நடத்தப்படுகிறது. இதற்கான விண்ணப்பப்பதிவு கடந்த ஜூன் மாதம் 14ம் தேதி முதல் ஜூலை 14ம் தேதி வரையில் நடந்தது.

இந்த நிலையில் குரூப் 4 தேர்வுக்கான ஹால் டிக்கெட்டை தமிழ்நாடு அரசுப்பணியாளர் தேர்வாணையம் வெளியிட்டுள்ளது. விண்ணப்பதாரர்கள் இதனை tnpscexams.net மற்றும் tnpscexams.in என்ற இணையதளங்களில் பதிவிறக்கம் செய்து கொள்ளலாம். நுழைவுச்சீட்டு கிடைக்காதவர்கள், தேர்வுக்கட்டணம் செலுத்திய ரசீதை, ஜெராக்ஸ் எடுத்து contacttnpsc@gmail.com என்ற மின்னஞ்சல் முகவரிக்கு அனுப்பி வைத்து பெற்றுக்கொள்ளலாம்.

இவ்வாறு தேர்வுக்கட்டண ரசீதை அனுப்புவதற்கு ஆகஸ்ட் 28ம் தேதி கடைசி நாளாகும். அதற்கு பிறகு வரும் மின்னஞ்சல் கோரிக்கை நிராகரிக்கப்படும். எனவே, ஹால் டிக்கெட் கிடைக்காதவர்கள் உடனே மின்னஞ்சல் அனுப்பும்படி அறிவுறுத்தப்படுகிறார்கள். ஹால் டிக்கெட் இல்லாத விண்ணப்பதாரர்கள் தேர்வு எழுத அனுமதிக்கப்பட மாட்டார்கள்.