வேலைவாய்ப்பு அலுவலகத்தில் பதிவு செய்தோர் எண்ணிக்கை 68 லட்சத்தை நெருங்கியது!

தமிழகத்தில் பத்தாம் வகுப்பு, பள்ளி, கல்லூரிப்படிப்பு முடித்து வெளியேறுபவர்கள் வேலைவாய்ப்பு அலுவலகத்தில் பதிவு செய்து வருகின்றனர். அவ்வாறு பதிவு செய்தோர், ஒவ்வொரு காலக்கட்டத்திலும், தங்களுடைய வேலைவாய்ப்பு பதிவை புதுப்பித்தும் வருகின்றனர்.

இந்த நிலையில், தற்போது வேலைவாய்ப்பு அலுவலகத்தில் மொத்தம் எத்தனை பேர் பதிவு செய்துள்ளனர் என்பது குறித்த தகவல்கள் வெளியாகியுள்ளது. இது தொடர்பாக கடந்த அக்டோபர் 31 ஆம் தேதி நிலவரப்படி, வேலைவாய்ப்பு அலுவலகத்தில் பதிவு செய்த பதிவுதாரர்கள் பற்றிய விபரங்களை தமிழக அரசு வெளியிட்டுள்ளது.

Also Read This: இந்த வார வேலைவாய்ப்பு செய்திகள்! நவ. 23-29 வரை

அதன் அடிப்படையில், மொத்தம் 67 லட்சத்து 97 ஆயிரத்து 634 பேர் வேலைவாய்ப்பு அலுவலகத்தில் பதிவு செய்துள்ளனர். இதில் 18 லட்சத்து 66 ஆயிரத்து 451 பேர் 18 வயதுக்கு உட்பட்டவர்கள். கல்லூரி படிப்பு முடித்தவர்கள் 12,39,867 பேர் ஆவார்கள். 25,47,802 பேர் 35 வயது வரையில் உள்ளவர்களும், 11,35,866 பேர் 57 வயது வரையில் உள்ள பதிவுதாரர்களும் ஆவர். எல்லாவற்றுக்கும் மேலாக, 58 வயதுக்கு மேல் உள்ளவர்கள் எண்ணிக்கை 7 ஆயிரத்து 648 பேர் உள்ளனர்.

ஒட்டு மொத்தமாக வேலைவாய்ப்பு அலுவலகத்தில் பதிவு செய்துவிட்டு காத்திருப்பவர்களின் எண்ணிக்கை கிட்டத்தட்ட 68 லட்சம் வரையில் உள்ளது. இதில் சுமார் 1 லட்சத்து 231 ஆயிரத்து 179 மாற்றுத்திறனாளிகளும் உள்ளனர்.



மருத்துவப் பணியாளர் தேர்வு வாரியம் மூலம் மாபெரும் வேலைவாய்ப்பு! 1,508 காலியிடங்கள்!!