அண்ணா பல்கலை.யில் உதவியாளர் பணிக்கு விண்ணப்பங்கள் வரவேற்பு!

சென்னை அண்ணா பல்கலைக்கழகத்தில் ஆறு மாத கால ஒப்பந்த அடிப்படையில், உதவியாளர் பணிக்கு விண்ணப்பங்கள் வரவேற்கப்படுகிறது. இது பற்றிய விபரங்களை இங்கு காணலாம்.

சென்னை அண்ணா பல்கலைக்கழகத்தில் செயல்பட்டு வரும் தொழில்நுட்ப வளர்ச்சி மற்றும் பரிமாற்ற துறையில், தினசரி ஊதியம் வழங்கல் முறையில், உதவியாளர் பணிக்கு ஆட்தேர்வு நடைபெறுகிறது.

விண்ணப்பதாரர்கள் ஏதேனும் ஒரு பட்டப்படிப்பு முடித்திருக்க வேண்டும். கணனி இயக்கத் தெரிந்திருக்க வேண்டும். நேரடி நியமனம் முறையில் ஆட்தேர்வு நடைபெறும். மொத்தம் 3 காலியிடங்கள் அறிவிக்கப்பட்டுள்ளது. அதிக விண்ணப்பங்கள் வரும்பட்சத்தில், எழுத்துத்தேர்வு வைக்கப்பட்டு விண்ணப்பதாரர்கள் தேர்வு செய்யப்படுவார்கள்.

விண்ணப்பதாரர்கள் விண்ணப்பிக்கும் போது கல்விச்சான்றிதழ், புகைப்படம் அடங்கிய சுயவிபரங்கள் அனைத்தும் தெரிவிக்க வேண்டும். நேர்முகத்தேர்வு நடைபெறும் போது அசல் சான்றிதழ் கொண்டு வர வேண்டும்.

இது முழுக்க முழுக்க தற்காலிக நியமனம் ஆகும். எனவே, ஆறு மாதத்திற்குப் பிறகு ஒப்பந்த காலத்தை நீடிக்கவோ, நிறுத்தவோ, அண்ணா பல்கலைக்கத்துக்கு முழு உரிமை உண்டு. தேர்வு குழு தேர்ந்தெடுக்கும் விண்ணப்பதாரர்களே இறுதி முடிவாகும். தேர்வு செய்யப்படுபவர்கள் உடனே பணியில் சேர வேண்டும்.

நிறுவனம்: அண்ணா பல்கலைக்கழகம்
அமைப்பு; மாநில அரசு
பணி: அலுவலக உதவியாளர்
தகுதி: ஏதேனும் ஒரு பட்டப்படிப்பு மற்றும் அடிப்படை கணினி அறிவு
தினசரி ஊதியம்: 434 ரூபாய்
ஒப்பந்த காலம்: ஆறு மாதம்
விண்ணப்பம் தொடங்கிய நாள்: 6 செப்டம்பர் 2019
விண்ணப்பிக்க கடைசி நாள்: 25 செப்டம்பர் 2019

விண்ணப்பம் அனுப்ப வேண்டிய முகவரி:
The Director,
Centre for Technology Development and Transfer
(Kalanjiyam Building, 3^rd Floor)
Anna University,
Chennai 600 025

மேற்கண்ட பணியில் சேருவதற்கு விருப்பமும் தகுதியும் உள்ளவர்ள், www.annauniv.edu என்ற இணையதளத்தில் விண்ணப்பம் பெற்று அதனை பூர்ததி செய்து வரும் செப்டம்பர் 25ம் தேதிக்குள் அதிகாரிகளுக்கு கிடைக்கும் படி அனுப்பி வைக்க வேண்டும். இது பற்றிய முழுமையான விபரங்களுக்கு அண்ணா பல்கலைக்கழகத்தின் அதிகாரப்பூர்வ அறிவிப்பைப் பார்க்கவும்: