கோவை பாரதியார் பல்கலைக்கழகத்தில் வேலை வாய்ப்பு

கோவையில் உள்ள பாரதியார் பல்கலைக்கழகத்தில் ‘கெஸ்ட் பகல்டி’ (Guest Faculty) பணி இடங்களுக்கு 5 பேரை தேர்வு செய்ய அறிவிப்பு வெளியாகி உள்ளது.

பாரதியார் பல்கலைக்கழகத்தில் உள்ள Computer Applications துறையில் மொத்தம் ஐந்து காலிப் பணியிடங்கள் உள்ளன. இந்தக் காலிப் பணியிடங்கள் நேர்முகத் தேர்வு மூலம் நிரப்பப்பட உள்ளன.

விருப்பம் உள்ளவர்கள் தேவையான சான்றுகளுடன் நேரில் கலந்து கொள்ளலாம். வருகிற ஜூலை 22ஆம் தேதி காலை 10.30 மணி முதல் நேர்முகத் தேர்வு நடக்கிறது.

புகைப்படத்தை இணைத்து பூர்த்தி செய்யப்பட்ட விண்ணப்பத்தையும் சுயவிவரக் குறிப்பையும் நேர்முகத் தேர்வுக்கு எடுத்துச் செல்ல வேண்டும். நேர்முகத் தேர்வில் பங்கேற்பதற்கான வயது வரம்பு பற்றி அறிவிப்பில் குறிப்பிடவில்லை. ஆனால், முன் அனுபவம் இருக்க வேண்டும் எனக் கூறப்பட்டுள்ளது.


இந்த வேலைகளுக்கு விண்ணப்பிக்க குறைந்தபட்சம் கம்ப்யூட்டர் அப்ளிகேஷன் துறையில் முதுகலைப் பட்டம் பெற்றிருக்க வேண்டும் அல்லது அதற்கு நிகரான கம்ப்யூட்டர் சையின் போன்ற துறையில் முனைவர் பட்டம் பெற்றிருக்க வேண்டும். அத்துடன் நெட் (NET), செட் (SET), ஸ்லெட் (SLET) போன்ற தகுதித் தேர்வுகளில் ஒன்றை எழுதி தேர்ச்சி அடைந்திருக்க வேண்டும்.

Python Programming, Map Reduce Programming, Cloud Computing, Internet of Things, Data Analytics போன்றவற்றில் திறமையானவர்கள் வேலைக்குத் தேர்வு செய்யப்படுவர்.


மாதச் சம்பளமாக ரூ.25,000 வழங்கப்படும் எனக் கூறப்பட்டுள்ளது. இது குறுகிய கால ஒப்பந்தப் பணி ஆகும். தகுதி உள்ளவர்கள் ஜூலை 2019 முதல் ஏப்ரல் 2020 வரை இந்த பணியில் சேர்க்கப்படுவர். எந்த நேரத்திலும் காரணம் சொல்லாமலே வேலையிலிருந்து நிறுத்தும் அதிகாரம் நிர்வாகத்துக்கு உள்ளது எனவும் தெளிவாகக் கூறப்பட்டுள்ளது.

இந்த வேலை வாய்ப்பு பற்றிய அதிகாரப்பூர்வ அறிவிப்பை கீழக்காணும் இணைப்பில் காணலாம்.
https://drive.google.com/file/d/1ObngJmAkJdlzri1tIFkWR9N65a46zRMm/view