1 கோடி பேர் விண்ணப்பித்த RRB NTPC தேர்வு ஒத்தி வைப்பு!

இந்திய ரயில்வேயில் காலியாக உள்ள 35 ஆயிரத்துக்கும் மேற்பட்ட தொழில்நுட்பம் அல்லாத பணி தேர்வுக்கு சுமார் ஒரு கோடி பேர் விண்ணப்பித்து காத்து கிடக்கின்றனர். இந்த நிலையில், RRB NTPC தேர்வு ஒத்தி வைக்கப்பட்டுள்ளதாக ரயில்வே தேர்வு வாரியம் அறிவித்துள்ளது.

கடந்த மார்ச் மாதம் ரயில்வே தேர்வு வாரியம் மாபெரும் வேலைவாய்ப்பு RRB NTPC CBT Exam 2019 rrbchennai.gov.in இணையளத்தில் அறிவிப்பை வெளியிட்டது. அதன்படி, ரயில்வே துறையில் தொழில்நுட்பம் அல்லாத பணிகளுக்கு 35,277 காலியிடங்கள் நிரப்பப்படுவதாகவும், இதற்கு 10,12 மற்றும் பட்டப்படிப்பு முடித்தவர்களிடம் இருந்து விண்ணப்பங்கள் வரவேற்கப்படுவதாகவும் அறிவிக்கப்பட்டது.

தேர்வுகள் இல்லை.. 8ம் வகுப்பு போதும், தமிழக அரசு வேலை!

ரயில்வே துறையில் 35 ஆயிரத்துக்கும் மேற்பட்ட வேலைவாய்ப்பு என்பதால், அரசு வேலைக்கு தயாராவோர், டிகிரி முடித்தோர் என மொத்தம் 1 கோடிக்கும் அதிகமானோர் விண்ணப்பித்தனர். இதற்கான தேர்வுகள் ஜூன், செப்டம்பர் இடையே நடைபெறும் என்று தெரிவிக்கப்பட்டிருந்தது. தேர்வு எழுதுவதற்கு விண்ணப்பதாரர்கள் அனைவரும் தயாராகி வந்தனர்.

RRB NTPC CBT Exam Date
ஆனால், செப்டம்பர் மாதம் முடிவடைந்த பிறகும், RRB NTPC தேர்வு குறித்து எந்த விபரமும் வெளிவரவில்லை. இதனால், தேர்வுக்கு விண்ணப்பித்த அனைவரும் அதிர்ச்சியடைந்தனர். தேர்வுக்கு விண்ணப்பித்து விட்டு, தேர்வு பற்றி ஒரு தகவலும் வராததால், தேர்வு நடக்குமா நடக்காதா, எப்போது நடைபெறும் என்று கேள்விகள் எழுந்தன.
undefined
RRB NTPC CBT Exam Postponed
இந்த நிலையில், தற்போது RRB NTPC 2019 CBT 1 தேர்வுகள் ஒத்தி வைக்கப்பட்டுள்ளதாகவும், தேர்வு தேதி குறித்த விபரங்கள் பின்னர் அறிவிக்கப்படும் (RRB NTPC CBT Exam Date Postponed) என்றும் ரயில்வே தேர்வு வாரியம் அறிவித்துள்ளது. இது தொடர்பாக ரயில்வே தேர்வு வாரியம் வெளியிட்டுள்ள செய்திக்குறிப்பில், தொழில்நுட்பம் அல்லாத பணியிடங்களுக்கான முதல்நிலைத் கணினி வழித் தேர்வு தற்காலிகமாக ஒத்தி வைக்கப்பட்டுள்ளது. தேர்வு தேதி ஆர்.ஆர்.பி இணையதளத்தில் பின்னர் வெளியிடப்படும். எனவே, விண்ணப்பதாரர்கள் அவ்வப்போது rrbchennai.gov.in இணையதளத்தைப் பார்த்துக் கொள்ளவும் என்று தெரிவிக்கப்பட்டுள்ளது.