UPSC CMS CBT: மருத்துவ அதிகாரி பணி தேர்வுக்கான ஹால்டிக்கெட் வெளியிடு

UPSC தேர்வாணையம் வரும் 20 ஆம் தேதி Combined Medical Services Examination எனப்படும் ஒருங்கிணைந்த மருத்துவ அதிகாரி பணிக்கான தேர்வை நடத்துகிறது. இந்நிலையில், தற்போது தேர்வுக்கான நுழைவுச்சீட்டு upsconline.nic.in என்ற இணையதளத்தில் வெளிடப்பட்டுள்ளது.

மத்திய அரசின் சுகாதாரம் மற்றும் குடும்ப நலத்துறையில் காலியாக உள்ள பல்வேறு மருத்துவ அதிகாரி பணியிடங்களை நிரப்பும் வகையில், ஒருங்கிணைந்த UPSC தேர்வு அறிவிப்பு கடந்த சில மாதங்களுக்கு முன்பு வெளியிடப்பட்டது.

இதனையடுத்து மெடிக்கல் ஆபீசர் பணிக்கான முதல்நிலை கணினி வழித்தேர்வு ஏற்கனவே குறிப்பிடப்பட்டது போல், வரும் 20ம் தேதி நடைபெற உள்ளது. இந்நிலையில், தற்போது முதல்நிலைத் தேர்வுக்கான ஹால் டிக்கெட் (Admit Card) தற்போது ஆன்லைனில் வெளியிடப்பட்டுள்ளது.

இந்த தேர்வுக்கு விண்ணப்பித்த விண்ணப்பதாரர்கள் தங்களது தேர்வு அட்மிட் கார்டை https://upsconline.nic.in/ என்ற மத்திய அரசு பணியாளர் தேர்வாணையத்தின் அதிகாரப்பூர்வ இணையதளத்தில் இருந்து பதிவிறக்கம் செய்து கொள்ளலாம்.

விண்ணப்பதாரர்கள் ஏற்கனவே, தேர்வுக்கு விண்ணப்பிக்கும் போது பதிவு எண், பாஸ்வேர்டு பெற்றிருப்பார்கள். அதனைப் பயன்படுத்தி ஹால்டிக்கெட்டை பதிவிறக்கம் செய்து கொள்ளலாம். ஹால்டிக்கெட்டில் விண்ணப்பதாரர்களின் பெயர், தேர்வு மையம், தேர்வு தேதி, போட்டோ ஆகியவை சரியாக உள்ளதா என்பதை ஒருமுறை பரிசோதனை செய்துகொள்ளும்படி அறிவுறுத்தப்படுகிறார்கள்.