ஆப்நகரம்

கணவன் குடும்பத்தை போட்டு தள்ளிவிட்டு ரயிலில் சொந்த ஊர் சென்ற'கூல்' மனைவி!

சென்னையில் ஓரே குடும்பத்தை சேர்ந்த மூன்று பேரை போட்டுத் தள்ளியது இந்த சம்பவத்தில் இறந்த வாலிபரின் மனைவி மற்றும் அவரது சகோதர்கள் என்ற அதிர்ச்சி தகவல் போலீசாரின் விசாரணையில் தெரிய வந்துள்ளது.

Samayam Tamil 13 Nov 2020, 11:35 pm
சென்னை, சௌகார்பேட்டை விநாயக மேஸ்திரி தெருவைச் சேர்ந்த தலித்சந்த் (74). இவரது மனைவி புஷ்பா பாய் (70), மகன் ஷீத்தல் (40) ஆகிய மூன்று பேரும் துப்பாக்கியால் சுடப்பட்டு படுகொலை செய்யப்பட்ட சம்பவம் மாநகரில் பெரும் அதிர்ச்சியை ஏற்படுத்தியுள்ளது.
Samayam Tamil கோப்பு படம்
கணவன் மற்றும் குடும்பத்தை போட்டு தள்ளிய பெண்


இந்த கொடூர கொலை சம்பவம் குறித்த விசாரித்துவரும் யானைகவுனி போலீசார், குடியிருப்பு பகுதியில் உள்ள சிசிடிவி கேமிரா காட்சிகள் தீவிரமாக ஆய்வு செய்தனர். அதில் ஒரு பெண், ஐந்து ஆண்கள் என ஆறு பேர் கொண்ட கும்பல்தான் தலித்சந்த் குடும்பத்தை போட்டு தள்ளியுள்ளது என்பது போலீசாருக்கு தெரிய வந்தது.

இதுகுறித்து மேற்கொண்டு போலீசார் விசாரித்ததில் பல அதிர்ச்சிகரமான தகவல்கள் தெரிய வந்துள்ளன. கணவன், மனைவியான ஷீத்தலுக்கும். ஜெயமாலாவுக்கும் இடையே கருத்து வேறுபாடு ஏற்படவே, இருவரும் பிரிந்து அவரவர் தாய் வீட்டில் வசித்து வருகின்றனர்.

தாய், தந்தை, மகன் என மொத்த குடும்பமும் படுகொலை - இது சென்னை பயங்கரம்!

ஜெயமாலா தமது இரு மகள்களுடன் புணேவில் உள்ள தாய் வீட்டில் வசித்து வருகிறார். மேலும் அவர் தமது கணவரிடமிருந்து விவகாரத்து மற்றும் ஜீவனாம்சம் கோரி தொடர்ந்த வழக்கு புணே நீதிமன்றத்தில் நிலுவையில் உள்ளது.

இந்த நிலையில், சமீபத்தில் இரண்டு முறை தமது சகோதரர்களுடன் சென்னைக்கு வந்த ஜெயமாலா தமக்கும், தனது மகள்களுக்கும் சேர்த்து 5 கோடி ரூபாய் ஜீவனாம்சம் தர வேண்டும் என்று கணவர் ஷீத்தல் மற்றும் அவரது குடும்பத்தினரை மிரட்டிவிட்டு சென்றுள்ளார்.

மூன்றாவது முறையாக நேற்று முன்தினம் (நவம்பர் 11) மீண்டும் தமது சகோதர்கள், மூன்று அடியாட்கள் ஆகியோருடன் தமது கணவரின் வீட்டு வந்த ஜெயமாலா, மீண்டு்ம் ஜீவனாம்சம் கேட்டு சண்டை போட்டுள்ளார்.

பணமோசடி வழக்கு: அமைச்சருக்கு முன்ஜாமீன்...எம்டிசி எம்.டி.க்கு ஜெயில்!

அப்போது வாக்குவாதம் முற்றவே, தமது கணவர் ஷீத்தல், மாமனார். மாமியார் ஆகியோரை நெற்றி பொட்டில் வைத்து துப்பாக்கியால் சுட்டு படுகொலை செய்துவிட்டு, சகோதர்களுடன் கூலாக ரயில் ஏறி புணே சென்றுள்ளார் ஜெயமாலா.

அவரையும், அவரது சகோதரர்கள் உள்பட ஆறு பேர் கும்பலை பிடித்த தனிப்படை போலீசார் தற்போது புணே விரைந்துள்ளனர்.

அடுத்த செய்தி