Amit Shah in Chennai: பாஜக தலைவர் அமித் ஷா இன்று சென்னை வருகை

பாஜக தேசியத் தலைவர் அமித் ஷா இன்று சென்னைக்கு வருகிறார்.

இன்று சென்னை வரும் பாஜக தேசியத் தலைவர் அமித் ஷா, நாடாளுமன்றத் தேர்தலுக்கான வியூகம் அமைப்பது பற்றி ஆலோசனை நடத்த கட்சியின் பல்வேறு நிர்வாகிகளைச் சந்திக்க உள்ளார்.

காலை 11.45 மணிக்கு சென்னை வரும் அமித் ஷா ஈஞ்சம்பாக்கத்தில் உள்ள கோல்டன் பீச் ரெசார்ட்டில் 12.30 மணிக்கு நாடாளுமன்றத் தேர்தலுக்காக நியமிக்கப்பட்ட தமிழக பாஜக நிர்வாகிகளுடன் ஆலோசனை நடத்துகிறார். பின், 3.30 மணிக்கு நாடாளுமன்ற பொறுப்பாளர்களுடன் கூட்டத்தில் பங்கேற்கிறார்.
மாலை 4.45 மணிக்கு இந்து அமைப்பினருடன் ஆலோசனை நடத்துகிறார். பின், 6 மணிக்கு தமிழகத்தில் உள்ள 16,000 பாஜக வாக்குச்சாவடி பொறுப்பாளர்கள் முன் பேசுகிறார். இரவு 8.30 மணிக்கு புதுச்சேரி பாஜக நிர்வாகிகளுடனும், 9.15 மணிக்கு அந்தமான் நிர்வாகிகளுடனும் ஆலோசனை நடத்துகிறார்.
இரவு 10.55 மணிக்கு சென்னை விமான நிலையத்திலிருந்து டெல்லி திரும்புகிறார்.