Chennai Rainfall: தரமணியில் 10... மீனம்பாக்கத்தில் 9... அடித்து துவைத்த மழை!

வளி மண்டல மேலடுக்கு சுழற்சி காரணமாக சென்னை மற்றும் புறநகர் பகுதிகளில் நேற்று (ஜனவரி 4) நள்ளிரவு முதல் தொடர் மழை பெய்தது.

செம்பரம்பாக்கம், புழல் என்று சென்னை மாநகரின் முக்கிய குடிநீர் ஆதாரங்களாக விளங்கும் ஏரிகள் நிரம்பும் அளவுக்கு மழை கொட்டித் தீர்த்தது. பிற்பகல் 3 மணிக்கு பிறகே சென்னை மாநகரின் பல்வேறு பகுதிகளில் மழை சற்று ஓய்ந்தது.

இன்று காலை 8 மணி முதல் பிற்பகல் 2 மணி வரை மாநகர் மற்றும் புறநகர் பகுதிகளில் பெய்த மழை அளவு குறித்த விவரத்தை சென்னை வானிலை ஆய்வு மையம் வெளியிட்டுள்ளது. அதன் விவரம் (மில்லிமீட்டரில்)

Chennai Rains: சென்னைக்கு கனமழை எச்சரிக்கை!

நுங்கம்பாக்கம் -67, ஹிந்துஸ்தான் பல்கலைக்கழகம் (காஞ்சிபுரம் மாவட்டம்) -62, வில்லிவாக்கம் (திருவள்ளூர் மாவட்டம்) -39, தரமணி -99, மீனம்பாக்கம் -87, மேற்கு தாம்பரம் -51.5, பூந்தமல்லி -58, அண்ணா பல்கலைக்கழகம் -53.

முன்னதாக,நேற்று நள்ளிரவு முதல் இன்று காலை 7:15 மணி வரை நுங்கம்பாக்கம் -22, எண்ணூர் துறைமுகம் -28, மீனம்பாக்கம் -16, தரமணி, வி்ல்லிவாக்கம் மற்றும் புழல் -27.5 மில்லி மீட்டர் மழை பதிவாயிருந்தது.

chembarambakkam lake open:மீண்டும் திறக்கப்படும் செம்பரம்பாக்கம் ஏரி... சென்னைக்கு வெள்ள அபாயம்

அடுத்த 24 மணி நேரத்துக்கு.. அடுத்த 24 மணி நேரத்தில் சென்னை, செங்கல்பட்டு, காஞ்சிபுரம் உள்ளிட்ட 8 மாவட்டங்களில் இடியுடன்கூடிய கனமழை பெய்யக்கூடும் என்று வானிலை ஆய்வு மையம் எச்சரித்துள்ளது.

சென்னை மற்றும் புறநகர் பகுதிகளில் அடுத்த 24 மணி நேரத்திற்கு வானம் பொதுவாக மேகமூட்டத்துடன் இருக்கும். நகரின் பெரும்பாலான பகுதிகளில் இடிமின்னலுடன் கூடிய மிதமான மழையும், ஒரு சில இடங்களில் கனமழையும் பெய்யக்கூடும். அதிகபட்ச வெப்பநிலை 29டிகிரி செல்சியஸை ஒட்டியே இருக்கும் என்று தெரிவிக்கப்பட்டுள்ளது.