உதயநிதி, கலாநிதி தில்லாலங்கடி?; பரபரப்பு கிளப்பும் அர்ஜுன் சம்பத்!

மலையாள நடிகர் பஹத் ஃபாசில் நடித்த ட்ரான்ஸ் என்ற திரைப்படத்தை தர்மா விசுவல் கிரேஷன் நிலை மறந்தவன் என்ற பெயரில் தமிழாக்கம் செய்துள்ளது. இந்த படத்தின் ட்ரைலர் வெளியீட்டு விழா இன்று வடபழனி பிரசாத் லேபில் நடைபெற்றது.

இந்த விழாவில் பாஜக மூத்த தலைவர் எச்.ராஜா , இந்து மக்கள் கட்சி தலைவர் அர்ஜுன் சம்பத் ஆகியோர் கலந்துகொண்டு நிலை மறந்தவன் படத்தின் டிரைலரை வெளியிட்டனர்.

இந்த விழாவில் பாஜக கவுன்சிலர் உமா ஆனந்த், வலதுசாரி சிந்தனையாளர் கல்யாணராமன், திரைப்படத்தின் தமிழ் மொழியாக்கம் செய்த சிவராமன், பாஜக வழக்கறிஞர் அஸ்வத்தாமன் உள்ளிட்ட பலர் கலந்து கொண்டனர்.

சசிகலா கோட்டைக்குள் சி.வி.சண்முகம்; செல்லா காசாக்க அதிமுக புதிய வியூகம்!

இந்த விழாவுக்கு பிறகு செய்தியாளர்களை சந்தித்து அர்ஜுன் சம்பத் கூறியதாவது:

தமிழகத்தில் மதமாற்ற கும்பலால் பெரிய பிரச்சனைக்கு உள்ளாகி வருகிறோம். இயேசு நாதர், பைபிளுக்கு எதிரானவர்கள் இல்லை நாங்கள். இது போன்ற படங்கள் தொடர்ந்து வெளியாக வேண்டும். தமிழகத்தில் இது போன்ற திரைப்படங்கள் வெளியாக தடையாக திராவிடர்களும், கிறிஸ்தவ மிஷனரிகளும் தடையாக உள்ளனர்.

மேலும் சன் டிவி மற்றும் சன் பிக்சர்ஸ், ரெட் ஜெயன்ட் வியாபாரம் செய்கின்றனர். ஆனால் மற்றவர்களும் பயன் அளிக்கும் விதமாக இருக்க வேண்டும். அனைத்து திரைப்படத்தில் விநியோகஸ்தர் உரிமையையும் அவர்களே எடுத்துக்கொள்ள கூடாது.

12 ரயில்களில் புதிய வசதி; பயணிகள் மகிழ்ச்சி!

இதை தொடர்ந்து வலதுசாரி சிந்தனையாளர் கல்யாணராமன் பேசியதாவது:

கிறிஸ்தவம் வேறு. கிறிஸ்தவ மிஷனரிகள் வேறு. கிறிஸ்தவ மிஷனரிகளிடம் கல்வித் துறையை அளித்தால், நாட்டை மதம் மாற்றி விடலாம் என்று எண்ணினார்கள். தமிழ்நாட்டில் பெரிய பிரச்சனையாக திராவிடர்கள் தமிழகத்தின் அடையாளங்களை அழித்துவிட்டது. கடந்த 50 ஆண்டுகள் அவர்களது ஆட்சி மிகப்பெரிய அழிவை தமிழகத்துக்கு அளித்திருக்கிறது. இவ்வாறு கல்யாணராமன் பேசினார்.