Namaste Trump: சென்னையில் உருவான ட்ரம்ப் இட்லி..! உணவு கலைஞர் அசத்தல்...

இரு நாடுகளுக்கிடையேயான உறவுகளை வலுப்படுத்தும் முயற்சியில் இரண்டு நாட்கள் சுற்றுப்பயணமாக இந்தியா வந்துள்ளார் அமெரிக்க அதிபர் டொனால்ட் ட்ரம்ப். இன்று காலை அகமதாபாத்தின் சர்தார் வல்லபாய் படேல் சர்வதேச விமான நிலையத்திற்கு வந்த ட்ரம்ப் மற்றும் அவரது குடும்பத்தை பிரதமர் மோடி வரவேற்றார்.

பின்னர் மகாத்மா காந்தி வாழ்ந்த முக்கிய இடங்களில் ஒன்றாக நினைவுகூரும் குஜராத் ஆசிரமத்திற்கு சென்று அங்கிருந்த பழைய ராட்டையை ட்ரம்ப் மற்றும் அவரது மனைவி மெலானியா ட்ரம்ப் ஆகியோர் சுற்றினர். இதற்கிடையில் சபர்மதி ஆசிரமத்தின் பெருமைகளை பிரதமர் மோடி எடுத்துரைத்தார்.


அங்கிருந்து அகமதாபாத்தில் உள்ள மொதேரா கிரிக்கெட் மைதானத்தில் ஏற்பாடு செய்யப்பட்டிருந்த 'நமஸ்தே ட்ரம்ப்' நிகழ்ச்சியில் லட்சத்திற்கும் மேலான மக்களின் முன்னிலையில் மோடி, ட்ரம்ப் இருவரும் உரையாற்றினர். ட்ரம்ப் வருகைக்கு வட மாநிலங்களை போல தமிழகத்திலும் சில சுவாரசியங்கள் நடந்துள்ளன.

Palaniswami: நாசாவிற்கு செல்லும் நாமக்கல் மாணவி - சரியான நேரத்தில் உதவிய தமிழக முதலமைச்சர்!

ட்ரம்பை வரவேற்கும் நோக்கில் சென்னையைச் சேர்ந்த சமையல்காரர் மற்றும் உணவுக் கலைஞருமான இனியவன், 107 கிலோ எடைகொண்ட இட்லியில் மோடி, மற்றும் ட்ரம்பின் முகங்களை வடிவமைத்துள்ளார். இதற்காக 36 மணி நேரம் செலவிட்டு 6 பேர் உழைப்பில் மொத்தம் மூன்றி இட்லிகளை தயாரித்துள்ளனர். ஒரு இட்லியில் அமரிக்க அதிபர் ட்ரம்ப் முகமும், மற்றொன்றில் மோடி முகமும், மூன்றாவது இட்லியில் இந்திய, அமெரிக்க தேச கொடியும் வடிவமைக்கப்பட்டுள்ளன. இந்த புகைப்படம் தற்போது இணையத்தில் வைரலாகி வருகிறது.