மருத்துவமனையில் ஆபாசப் படம்; பிடிபட்ட ஊழியரிடம் அடுக்கடுக்காக அதிர்ச்சி வீடியோக்கள்!

சென்னை சைதாப்பேட்டையில் தனியார் மருத்துவமனை ஒன்று இயங்கி வருகிறது. இங்கு பராமரிப்பு பணி செய்து வரும் ஊழியர் சிவப்பிரகாஷ். இவர் நேற்று முன்தினம் பணி நேரத்தில் தனது செல்போனில் ஆபாசப் படம் பார்த்துள்ளார்.

இதைக் கண்ட மருத்துவமனை மேலாளர், சைதாப்பேட்டை போலீசாரிடம் புகார் அளித்தார். அவர்கள் சிவப்பிரகாஷின் செல்போனைப் பறிமுதல் செய்தனர். அதில் ஆய்வு மேற்கொண்டதில், சில பெண்கள் உடை மாற்றும் காட்சிகள் இருப்பதைக் கண்டு அதிர்ச்சி அடைந்தனர்.

இதையடுத்து சிவப்பிரகாஷிடம் விசாரணையை தீவிரப்படுத்தினர். அதன்மூலம், பெண்கள் அறைகளில் பராமரிப்பு பணி செய்யும் போது செல்போனை மறைத்து வைத்துள்ளார்.

பின்னர் அந்த வீடியோக்களை அப்படியே செல்போனில் மறைத்து வைத்து வந்துள்ளார். இதனால் மருத்துவமனை நிர்வாகம் மற்றும் போலீசார் அதிர்ச்சியடைந்தனர். இந்த சம்பவத்தில் வேறு யாருக்காவது தொடர்பு இருக்கிறதா என்று விசாரித்து வருகின்றனர்.