நிவர் புயல்... வானிலை ஆய்வு மையத்தின் கரண்ட் அப்டேட்!

வங்கக் கடலில் உருவாகியுள்ள நிவர் புயலின் தற்போதைய நிலவரம் குறித்து சென்னை வானிலை ஆய்வு மையத்தின் தென்மண்டல தலைவர் பாலசந்திரன் செய்தியாளர்களிடம் கூறியது:

காற்றழுத்தத் தாழ்வு மண்டலம் தற்போது சென்னைக்கு தென்கிழக்கில் சுமார் 520 கிலோமீட்டர் தொலைவில் நிலை கொண்டுள்ளது. இது தொடர்ந்து புயலாகவும் நாளை தீவிர புயலாக வலுபெறக்கூடும்.

இது வடமேற்கு திசையில் நகர்ந்து தற்போதைய நிலவரப்படி எதிர்வரும் 25 ஆம் தேதி பிற்பகலில் காரைக்காலுக்கும்., மாகபலிபுரத்திற்கும் இடையே கரையைக் கடக்கும் என்று எதிர்பார்க்கப்படுகிறது. இதன் காரணமாக தமிழகம் மற்றும் புதுவையில் நாளை முதல் 26 ஆம் தேதி வரை மழை பெய்யக்கூடும்.

மின்சாரம் துண்டிக்கப்படும், தென் கிழக்கே 590 கி.மீ. தொலைவில் நிலை கொண்டுள்ள நிவர் புயல்

கனமழை பொருத்தவரையில் 24, 25 தேதிகளில் டெல்டா மாவட்டங்கள் மற்றும் வட கடலோர மாவட்டங்களில் ஓரிரு இடங்களில் அதிக மழையும், ஏனைய மாவட்டங்களில் ஒரு சில இடங்களில் கன முதல் மிக கனமழை பெய்யக்கூடும்.

காற்றின் வேகத்தை பொருத்தவரையில் 24, 25 தேதிகளில் வட கடலோர மாவட்டங்களில் நாளை முதல் மணிக்கு 55 முதல் 65 கிலோமீட்டர் வேகத்தில் பலத்த காற்று வீசக்கூடும்.

புயல் கரையை கடக்கும் சமயங்களில் நகரின் சில பகுதிகளில் பலத்த காற்று மணிக்கு 100 முதல் 110 கிலோ மீட்டர் வேகத்திலும், சில சமயங்களில் 120 கிலோ மீட்டர் வேகத்திலும் காற்று வீசக்கூடும்

nivar cyclone: புயல் எவ்வளவு வேகத்துல அடிச்சாலும் எதிர்கொள்வோம் - அமைச்சர் 'தில்'!

கடல் அலையை பொருத்தவரையில் 24, 25 ஆம் தேதிகளில் தமிழக கடற்கரை பகுதிகளில் கடல் கொந்தளிப்புடன் காணப்படும். கடல் அலைகள் இயல்பைவிட சுமார் 2 மீட்டர் உயரம் வரை உயரக்கூடும். மீனவர்கள் வரும் 25 ஆம் தேதி வரை தமிழக கடற்கரை பகுதிகளுக்கு செல்ல வேண்டாம் என்று அறிவுறுத்தப்படுகிறார்கள்

சென்னை மற்றும் புறநகரை பொறுத்தவரையில் 24, 25 தேதிகளில் சில பகுதிகளில் கனமழை பெய்யக்கூடும் என்று பாலசந்திரன் தெரிவித்தார்.