சென்னையில் தூய சைவ உணவு திருவிழா

சென்னையில் வரும் ஜனவரி 26 மற்றும் 27ஆம் தேதிகளில் சைவ உணவுத் திருவிழா நடைபெற உள்ளது.

சென்னையில் உள்ள கான்சியஸ் மார்க்கெட்டில் நடைபெறும் இந்த விழாவில் 40 கடைகளில் பல்வேறு தூய சைவ உணவுப் பொருட்கள் விற்பனைக்கு இருக்கும். டெஸர்ட், சைவ ஜெல்லி கேக், பிரவுனிஸ் ஆகியவையும் மூங்கில் உறிஞ்சு குழல், துணிகள், அழகு சாதனப் பொருட்கள் ஆகியவை கிடைக்கும்.

நீலிமா சாய்ராம் என்ற சென்னை சமையல் கலைஞரும் சம்யுக்தா கார்த்திக் என்ற பெங்களூரைச் சேர்ந்த சமையல் கலைஞரும் சமைத்த சைவ உணவுகள் பஃபே முறையில் சுவைப்பதற்கு வைக்கப்படும். இதன் விலை ரூ.650 ஆகும்.

உணவுத் திருவிழா மட்டுமின்றி தூய சைவ உணவுமுறை பற்றிய கருத்தரங்குகளும் செயல் விளக்கங்களும் நடைபெறும். 27ஆம் தேதி ரோஷிணி சங்வி என்ற தூய சைவ உணவாளர் தினசரி சமைப்பதற்கு ஏற்ற சைவ உணவுகள் பற்றி உரையாற்றுகிறார். அபிராம் என்பவர் ஆரோவில்லில் உள்ள சாதனா காடுகள் பற்றியும் அங்கு தன்னார்வலராக சேவையாற்று பற்றியும் பேச உள்ளார்.