சிட்டியில இன்னைக்கு நைட்ல இருந்து சூடுபிடிக்கும் தீபாவளி மழை?!

சென்னை மாநகரில் அடுத்த 48 மணி நேரத்தில் வானம் பொதுவாக மேகமூட்டத்துடன் காணப்படும். நகரின் சில பகுதிகளில் இடியுடன்கூடிய லேசானது முதல் மிதமானது வரையிலான மழை பெய்யக்கூடும்.

நகரின் அதிகபட்ச வெப்பநிலை 30 டிகிரி செல்சியஸாகவும், குறைந்தபட்சம் வெப்பநிலை 23 டிகிரி செல்சியஸாகவும் இருக்கும். அதேசமயம், வளிமண்டல மேலடுக்கு சுழற்சி காரணமாக சென்னை உள்ளிட்ட கடலோர மாவட்டங்களில் புதன்கிழமை முதல் ஓரிரு தினங்களுக்கு மழை பொழிய வாய்ப்புள்ளது என்றும் சென்னை வானிலை ஆய்வு மையம் தெரிவித்துள்ளது.

இந்த நிலையில், பிரபல வெதர்மேனான பிரதீப் ஜான், சென்னை மழை எச்சரிக்கை குறித்து தமது இணைய பக்கத்தில் இவ்வாறு தெரிவித்துள்ளார்.

சிட்டிசன்களுக்கு தீபாவளி நற்செய்தி... மாநகரில் ஒரு சதவீதமாக குறைந்த கொரோனா!

" அண்மையில் உருவான கோனி புயல், ஃபிலிப்பைன்ஸ் கடல் பகுதியில் கரையை கடப்பதன் எதிரொலியாக, சென்னை மாநகரில் நவம்பர் 12 ஆம் தேதி தொடங்கி இரண்டு தினங்களுக்க மிதமான மழை பெய்யக்கூடும். இதனைத் தொடர்ந்து நவம்பர்15, 16 ஆம் தேதிகளில் மாநகரில் பரவலாக கனமழை பெய்ய வாய்ப்புள்ளது.

இவ்விரு தினங்களில் இரவு மற்றும் அதிகாலை பொழுதுகளில் மட்டுமின்றி, பகல் பொழுதிலும் விட்டு விட்டு மழை பொழியும். நவம்பர் 18, 19 தேதிகள் வரை மாநகரில் நாம் மழையை எதிர்பார்க்கலாம்" என்று வெதர்மேன் கணித்துள்ளார்.