Amit Shah: காஷ்மீர் விவகாரத்தில் அமித் ஷாவிற்கு இப்படியொரு பாராட்டு - ரஜினிகாந்த் அதிரடி பேச்சு!

சென்னை வாலாஜா சாலையில் உள்ள கலைவாணர் அரங்கில் இன்று(ஆகஸ்ட் 11) காலை புத்தக வெளியீட்டு விழா நடைபெற்றது. அதாவது, துணை குடியரசுத் தலைவர் வெங்கையா நாயுடு பதவியேற்ற பின், கடந்த இரண்டு ஆண்டுகளில் அவர் ஆற்றிய உரைகள், சந்திப்புகள், முக்கிய நிகழ்வுகள் உள்ளிட்டவை புத்தகமாக தொகுக்கப்பட்டுள்ளது.

இதற்கு “லிசனிங், லேர்னிங் அண்ட் லீடிங்” என்று பெயரிடப்பட்டுள்ளது. இந்த புத்தகம் சென்னையில் இன்று(ஆகஸ்ட் 11) வெளியிடப்பட்டது. இதில் துணை குடியரசுத் தலைவர் வெங்கையா நாயுடு, உள்துறை அமைச்சர் அமித் ஷா, மத்திய சுற்றுச்சூழல் துறை அமைச்சர் பிரகாஷ் ஜவடேகர், தமிழக ஆளுநர் பன்வாரிலால் புரோஹித், முதலமைச்சர் பழனிசாமி, நடிகர் ரஜினிகாந்த் உள்ளிட்டோர் கலந்து கொண்டனர்.

Also Read: இன்று அடுத்த அதிரடிக்கு தயாரா? சென்னை வந்த உள்துறை அமைச்சர் அமித் ஷா!

சென்னைக்கு மத்திய அமைச்சர்கள் வருகையை ஒட்டி பலத்த பாதுகாப்பு போடப்பட்டிருந்தது. நேற்றிரவு(ஆகஸ்ட் 10) சென்னை வந்து சேர்ந்த அமித் ஷாவை, முதலமைச்சர் பழனிசாமி நேரில் சந்தித்து பேசினார்.

இந்நிலையில் விழாவில் கலந்து கொண்ட ரஜினிகாந்த் பேசுகையில், காஷ்மீர் விவகாரம் தொடர்பாக நாடாளுமன்றத்தில் அமித் ஷா சிறப்பான உரையை நிகழ்த்தினார். இந்த விவகாரத்தை கையாண்ட விதத்திற்கு அவருக்கு எனது பாராட்டுகள். ஜம்மு காஷ்மீர் மாநிலம் இரண்டாக பிரிக்கப்பட்டது வரவேற்கத்தக்கது.

Also Read: காங்கிரஸ் கட்சியின் இடைக்கால தலைவராக சோனியா காந்தி தேர்வு!

தற்போது இந்த அமித் ஷா யார்? என்று அனைவருக்கும் புரிந்திருக்கும். அமித் ஷாவும், மோடியும் கிருஷ்ணனும், அர்ஜூனனும் போன்றவர்கள். இருவரில் யார் கிருஷ்ணன்? அர்ஜூனன்? என்று நமக்கு தெரியாது. அவர்களுக்கு தான் தெரியும். அமித் ஷாவிற்கும், நாட்டு மக்களுக்கும் மிக்க நன்றி.

துணை குடியரசுத் தலைவர் வெங்கையா நாயுடுவை பொறுத்தவரை, எந்நேரமும் மக்களுக்காக சிந்திக்கக் கூடியவர். இவர் ஒரு மிகச்சிறந்த ஆன்மீகவாதி. எப்படியோ தப்பி தவறி அரசியல்வாதி ஆகிவிட்டார். அவர் இன்னும் பல உயர் பதவிகள் வகிக்க வேண்டும் என்று வாழ்த்துகிறேன் என்று கூறினார்.

Also Read: பொளந்து கட்டும் கன மழை; ரத்து செய்யப்பட்ட ரயில்கள், விமானங்கள் - முழு பட்டியல் இதோ!