என்னடா நடக்குது இங்க.? குரோம்பேட்டை நடைபாலத்தையே பார் மாதிரி மாத்தி வச்சிருக்கீங்க.!

சென்னையில் சமீபத்தில் அனுமதி இல்லாமல் செயல்பட்டு வந்த மதுபான கூட்டங்கள் அனைத்தையும் மாவட்ட நிர்வாகம் மூடி சீல் வைத்தது. முறையாக அனுமதிக்கப்பட்ட மதுபான கோலங்கள் மட்டுமே தற்போது செயல்பட்டு வருகிறது.இந்த நிலையில் சென்னை குரோம்பேட்டை ஜி. எஸ். டி சாலை பேருந்து நிலையம் அருகே நடை மேம்பாலம் அமைந்துள்ளது. அந்த மேம்பாலத்தின் அருகில் அரசு டாஸ்மாக் மதுபான கடை ஒன்று செயல்பட்டு வருகிறது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

அந்த டாஸ்மாக் கடையின் மதுபான பார் முறையான அனுமதி இல்லாமல் செயல்பட்டு வந்ததால் அதுவும் மாவட்ட நிர்வாகம் சார்பில் மூடி சீல் வைக்கப்பட்டது. அதனால் மதுவை வாங்கும் குடிமகன்கள் அந்த மதுவை அருந்த பொது இடங்களை பயன்படுத்தி வருகின்றனர்.



இந்த நிலையில் குரோம்பேட்டை ஜிஎஸ்டி சாலையை கடக்க கட்டப்பட்டுள்ள நடை மேம்பாலத்தின் கீழே வெற்றிடம் உள்ளது. அந்த இடத்தை குடிமகன்கள் அனைவரும் குட்டி பாராக மாற்றி அங்கு வைத்து மது குடித்து வருகின்றனர்

தண்ணீரில் கரைந்தோடும் சாலை - இத்தகைய சாலை வேண்டாம் என திருவண்ணாமலைவாசிகள் எதிர்ப்பு


அந்த வழியாக பொதுமக்கள் சென்று வரும் நிலையில் அதனை பெண்களும் குழந்தைகளும் பயன்படுத்துகின்றனர். ஆனால் இவ்வாறாக குடிமகன்கள் அங்கு குடித்துவிட்டு அட்டகாசம் செய்வது அந்த வழியாக செல்லும் பெண்களை முகம் சுளிக்க வைக்கிறது என கூறப்படுகிறது.

மேலும் அங்கு மது அருந்தும் குடிமகன்கள் அவர்களுக்குள் தகாத வார்த்தைகள் பேசிக் கொள்வதும் முறையற்ற முறையில் நடந்து கொள்வதும் என செய்வது அவளியாக செல்லும் பொது மக்களுக்கு அச்சத்தை தருகிறது. அதனால் இதனை காவல் துறையினர் உடனடியாக தடுத்து நிறுத்தி நடவடிக்கை எடுக்க வேண்டும் என பொதுமக்கள் கோரிக்கையை முன் வைக்கின்றனர்.