மீண்டும் மழை... மீண்டும் நிரம்பி தளும்பும் சென்னை ஏரிகள்!

நிவர் புயல், மழை காரணமாக, சென்னைக்கு குடிநீர் ஆதாரமாக விளங்கும் ஏரிகளில் செம்பரம்பாக்கம், புழல் ஆகியவை கடந்த வாரம் கிட்டதட்ட அவற்றின் முழு கொள்ளளவை எட்டின. அதனையடுத்து முன்னெச்சரிக்கை நடவடிக்கையாக முறைவைத்து ஏரிகளிலிருந்து தண்ணீர் திறந்துவிடப்பட்டது. இந்த நிலையில் வங்கக்கடலில் உருவாகியுள்ள புரேவி புயலின் விளைவாக, கடந்த இரண்டு தினங்களாய் சென்னையில் கணிக்கப்பட்டதைவிட அதிக அளவு மழை பெய்து வருகிறது. இதன் காரணமாக செம்பரம்பாக்கம், புழல், பூண்டி உள்ளிட்ட சென்னையின் குடிநீர் ஆதாரமாக இருக்கும் ஏரிகள் அனைத்தும் ஒரு வார இடைவெளியில் மீண்டும் நிரம்பி வருகின்றன. ஏரிகளின் பாதுகாப்பு கருதி, ஏரிகளுக்கு வரும் உபரி நீர் நேற்று முன்தினத்தில் இருந்து (டிசம்பர் 3) முறைவைத்து திறந்துவிடப்பட்டு வருகிறது. நிரம்பி தளும்பும் சென்னை ஏரிகளின் இன்றைய நீர் இருப்பு நிலவரத்தை இப்புகைப்பட கட்டுரையில் காண்போம்.