tn election 2021:எலக்ஷன் எப்போ? - முதல்வர் சொன்ன முக்கிய தகவல்!

தமிழக சட்டப்பேரவைத் தேர்தலை முன்னிட்டு முதல்வர் எடப்பாடி பழனிசாமி, திமுக தலைவர் மு.க.ஸ்டாலின், மக்கள் நீதி மய்யம் கட்சித் தலைவர் கமல் ஹாசன் உள்ளிட்ட தலைவர்கள் மாநிலம் முழுவதும் தீவிர பிரச்சாரம் மேற்கொண்டு வருகின்றனர்.

காஞ்சிபுரம் மாவட்டத்தில் நேற்று தேர்தல் பரப்புரை மேற்கொண்ட முதல்வர், இன்று செங்கல்பட்டு மாவட்டத்தில் பிரச்சாரம் மேற்கொள்ள உள்ளார். முன்னதாக அவர் அதிமுக தொழில்நுட்பக் குழுவினருடன் செங்கல்பட்டில் இன்று காலை ஆலோசனை நடத்தினார்.

அப்போது நிர்வாகிகளிடம் அவர் பேசும்போது, " எதிர்வரும் சட்டப்பேரவைத் தேர்தலில் அதிமுக தொழில்நுட்ப குழுவின் பங்கு முக்கியமானது. வரும் ஏப்ரல் மாதம் இறுதியிலோ, மே மாதம் முதல் வாரத்திலோ சட்டப்பேரவைத் தேர்தல் நடைபெறும் என்று தகவல்கள் தெரிவிக்கின்றன.

தேர்தல் பரப்புரையை பாதியிலேயே நிறுத்திய முதல்வர்... காரணம் தெரிஞ்சா அசந்திடுவீங்க!

எனவே, தேர்தலுக்கு இன்னும் சில மாதங்களே உள்ளதால் அதிமுகவின் வெற்றிக்கு கட்சியின் தொழில்நுட்ப குழுவினர் தீவிரமாக பணியாற்ற வேண்டும்" என்று முதல்வர் அறிவுறுத்தினார்.