ஆழ்வார்பேட்டையில் உள்ள கடையில் தீ விபத்து!

சென்னை : ஆழ்வார்பேட்டையில் அமைந்துள்ள தொலைபேசி கடை மற்றும் கலர் லேப் ஷோ ரூமில் தீ விபத்து ஏற்பட்டது.

பிற்பகல் 3.30 மணியளவில் சி.பி.ராமசாமி சாலையில் அமைந்துள்ள ஏர்டெல் கடை மற்றும் தினா கலர் லேப் ஷோ ரூமில் தீ விபத்து ஏற்பட்டது. லேபில் ஏற்பட்ட மின்கசிவு காரணமாக தீ பிடித்ததாக கூறப்படுகிறது. கடையில் இருந்து புகை வருவதை பார்த்த மோகன் எனும் பொறியியல் மாணவர் 101 எண்ணுக்கு தொடர்பு கொண்டு தகவல் கொடுத்துள்ளார்.

அதே போல் அபிராமபுரம் காவல் நிலையத்தை தொடர்பு கொண்டு தீ விபத்து குறித்து தகவல் கொடுத்துள்ளார். சம்பவ இடத்திற்கு 5 தீயணைப்பு வாகனங்களில் வந்த வீரர்கள் தீயை கட்டுக்குள் கொண்டு வந்தனர். அதே போல் அப்பகுதியை சேர்ந்த காவல்துறையினரும் சம்பவ இடத்திற்கு விரைந்தனர். யாருக்கு காயம் ஏதும் ஏற்படவில்லை என்பது குறிப்பிடத்தக்கது.