இலவச பிளாஸ்டிக் சர்ஜரி: ஸ்டான்லி மருத்துவமனையில் தமிழக அரசு அறிமுகம்!!

ஏழை மக்களும் பயன்பெறுவதற்காக இலவசமாக பிளாஸ்டிக் சர்ஜரி செய்யும் திட்டத்தை மாநில சுகாதாரத்துறை அமைச்சர் சி. விஜயபாஸ்கர் சென்னை ஸ்டான்லி மருத்துவமனையில் துவக்கி வைத்தார்.

அதிகம் பணம் இருப்போர் மட்டுமே செய்ய முடிந்த அறுவை சிகிகைச்சை பிளாஸ்டிக் சர்ஜரி. திரைப்பிரபலங்கள் மற்றும் பணக்காரர்கள் மட்டுமே இந்த அறுவை சிகிச்சைகள் மூலம் தங்களது முகம், மூக்கு, உதடு ஆகியவற்றை மாற்றி வந்தனர். தற்போது நிலைமை அப்படி இல்லை. ஏழைகள் உள்பட அனைவருக்கும் பிளாஸ்டிக் சர்ஜரி பொதுவான விஷயமாக வேண்டும் என்பதற்காக , தமிழக அரசு இலவச பிளாஸ்டிக் சர்ஜரி திட்டத்தை ஸ்டான்லி மருத்துவமனையில் அறிமுகம் செய்துள்ளது.

இந்த திட்டத்தை மாநில சுகாதாரத்துறை அமைச்சர் சி. விஜயபாஸ்கர் தொடங்கி வைத்து பேசுகையில், ''அழகு என்பது பணக்காரர்களுக்கு சொந்தமானது மட்டும் அல்ல. ஏழைகள் ஏன் இந்த சர்ஜரியை செய்து கொள்ளக் கூடாது. மேலும் பிளாஸ்டிக் சர்ஜரிக்காக வங்கியில் கடன் வாங்கும் நிலை பணம் இல்லாதவர்களுக்கு உள்ளது’ என்றார்.

மேலும் இது குறித்து ஸ்டான்லி மருத்துவமனையின் பிளாஸ்டிக் சர்ஜரி துறை தலைமை மருத்துவர் ராமதேவி கூறிகையில்’ புற்றுநோயால் பாதிக்கப்பட்ட பெண்கள் தங்கள் மார்பகத்தை பெரிதாக்க வேண்டும் என்று வருகிறார்கள் . இன்னும் சிலர் பெரிய மார்பகத்தால் கழுத்து வலி மற்றும் பூஞ்சை தொற்று ஏற்படுகிறது. இதனால் அவர்கள் மார்பை குறைக்க அறுவை சிகிச்சை செய்து கொள்கின்றனர். மேலும் சிலர் பெரிதான மார்பகங்கள் வேண்டி பிளாஸ்டிக் சர்ஜரி செய்துகொள்கின்றனர் . இந்த திட்டதால் ஏழை பெண்கள் அதிகம் பயனடைவார்கள்'' என்றார்.

மேலும் இந்த திட்டத்தின் கீழ் தாடை அறுவை சிகிச்சை, அதிகப்படியான காயங்களால் ஏற்படும் தழும்புகளை சரி செய்தல் மற்றும் கை மாற்று அறுவை சிகிச்சை ஆகியவற்றையும் மேற்கொள்ளலாம்.