கொரோனாவால் சரிந்தார் இந்து முன்னணி ராம கோபாலன்!

இந்து முன்னணி அமைப்பின் மாநிலத் தலைவர் ராமகோபாலன் கொரோனா தொற்று காரணமாக போரூரில் உள்ள தனியார் மருத்துவமனை ஒன்றில் சிகிச்சை பெற்று வந்த சூழலில், சிகிச்சை பலனின்றி அவர் பரிதாபமாக உயிரிழந்தார்.

இந்து முன்னணி அமைப்பு தலைவர் ராமகோபாலன். வயது 94. இவருக்கு இரு தினங்களுக்கு முன் மூச்சுத் திணறல் ஏற்பட்டுள்ளது.

மூச்சுத் திணறல் காரணமாகச் சென்னை போரூரில் உள்ள தனியார் மருத்துவமனை ஒன்றில் சிகிச்சைக்காக அனுமதிக்கப்பட்டார். அங்கு ராம கோபாலனைப் பரிசோதித்த மருத்துவர்கள் அவருக்கு கொரோனா தொற்று பரவியிருக்கிறது என்பதை உறுதி செய்தனர்.

இதற்கிடையே அவருக்குச் செயற்கை சுவாசக் கருவி பொருத்தப்பட்டது. வயது மூப்பு காரணமாக மருத்துவர்கள் ராம கோபாலனைத் தீவிர கண்காணிப்பில் வைத்திருந்தனர்.

அதிகரிக்கும் கொரோனா: கோவை மாநகராட்சி முக்கிய அறிவிப்பு!

இந்த சூழலில் அவர் சற்று நேரத்திற்கு முன் ராம கோபாலன் சிகிச்சை பலனின்றி பரிதாபமாக உயிரிழந்தார். கொரோனா காரணமாக அவர் உயிரிழந்துள்ளதால், ராம கோபாலனின் உடல் உறவினர்களிடம் வழங்கப்படாது எனத் தெரியவந்துள்ளது.

ராம கோபாலன் உடல் கொரோனா விதிகளின் அடிப்படையில், பாதுகாப்பாகச் சுருட்டப்பட்டு மத்திய அரசின் வழிகாட்டுதல் படி சுகாதார பணியாளர்கள் அடக்கம் செய்வார்கள் எனத் தகவல் வெளியாகியுள்ளது.

இந்து முன்னணி அமைப்பின் நிறுவனரும் தலைவருமான ராம கோபாலன் மரணம், இந்து அமைப்பினர் மத்தியில் சோகத்தை ஏற்படுத்தியுள்ளது. வயது முதிர்ச்சி காரணமாக கொரோனாவின் ஆதிக்கம் உடலில் அதிகரித்துக் காணப்பட்டுள்ளது.