Karunanidhi Health Condition: கருணாநிதி உடல்நிலை மிகவும் பின்னடைவு- காவேரி மருத்துவமனை அறிக்கை

கருணாநிதியின் உயிர் வாழ்வாதார உறுப்புகள் படிப்படியாக செயலிழந்து வருவதாக காவேரி மருத்துவமனை அறிக்கை வெளியிட்டுள்ளது.


திமுக தலைவர் கருணாநிதி வயது மூப்பின் காரணமாக சென்னை ஆழ்வார்பேட்டை மருத்துவமனையில் சிகிச்சை பெற்று வருகிறார். இந்நிலையில் நேற்று முதலே அவரது உடல்நிலை கவலைகிடமாக இருப்பதாக தெரிவிக்கப்பட்டிருந்தது.

இந்நிலையில் கருணாநிதி உடல்நிலை குறித்த 7வது அறிக்கையை காவேரி மருத்துவமனை சற்று நேரத்திற்கு முன்னர் வெளியிட்டது அதில், கருணாநிதி உடல்நிலை மிகவும் கவலைகிடமாக உள்ளது என கூறப்பட்டுள்ளது.

போதுமான மருத்துவ உதவிகள் தந்தும் உயிர்வாழும் உறுப்புகளை சமநிலைப்படுத்த முடியவில்லை என்றும், கடந்த சில மணி நேரமாக கருணாநிதியிடன் உடல்நிலை மிகவும் மோசமடைந்து வருவதாக தெரிவிக்கப்பட்டுள்ளது.
தற்போது எதுவும் சொல்ல முடியாத நிலையில் கருணாநிதியின் உடல்நிலை கவலைகிடமாக இருப்பதாக காவேரி மருத்துவமனை வெளியிட்டுள்ள அறிக்கையில் குறிப்பிடப்பட்டுள்ளது. தற்போது வெளியிடப்பட்டுள்ள இந்த அறிக்கை திமுக தொண்டர்களை கவலையடையச் செய்துள்ளது.

இந்நிலையில் கருணாநிதி வீடு அமைந்துள்ள சென்னை கோபாலபுரம் பகுதிக்கு திமுக தொண்டர்கள் வரத்தொடங்கியுள்ளதால் காவல்துறையினர் தடுப்புகளை அமைத்து பாதுகாக்கும் பணிகளை மேற்கொண்டு வருகின்றனர்.

அதேபோல காவேரி மருத்துவமனை அமைந்துள்ள ஆழ்வேர்பேட்டை பகுதியில் கூடுதல் போலீசார் பாதுகாப்பு பணிக்காக குவிக்கப்பட்டுள்ளனர்.