மெட்ரோ ரயில் நிலையங்களில் டாக்சி கட்டணம் குறைப்பு!

சென்னை மெட்ரோ ரயில் நிலையங்களில் இருந்து இயக்கப்படும் ஷேர் ஆட்டோ, ஷேர் டாக்சிக்கான கட்டணம் குறைக்கப்பட்டு உள்ளது.

சென்னையில் குறிப்பிட்ட சில மெட்ரோ ரயில் நிலையங்களில் இருந்து 3 கி.மீ. தொலைவில் உள்ள சுற்றுவட்டார பகுதிகளுக்கு ஷேர் ஆட்டோ, கார்களை பயன்படுத்தும் "ஷேர் டிரிப்' வசதி கடந்த ஆகஸ்ட் மாதம் அறிமுகம் செய்யப்பட்டது. பயணிகள் விரைவாக மெட்ரோ ரயில் நிலையத்துக்கு வந்து செல்ல வேண்டும் என்பதற்காக இந்த சேவை தொடங்கப்பட்டது.

அதன்படி, ஷேர் ஆட்டோவுக்கு 10 ரூபாயும், ஷேர் டாக்சிக்கு 15 ரூபாயும் கட்டணமாக வசூலிக்கப்பட்டு வந்தது. தற்போது இந்த கட்டணத்தை பாதியாக குறித்து மெட்ரோ ரயில் நிறுவனம் அறிவித்துள்ளது.

இதுதொடர்பாக மெட்ரோ ரயில் நிறுவனம் வெளியிட்ட அறிக்கையில்,

ஷேர் ஆட்டோ கட்டணம் ரூ.10ல் இருந்து ரூ.5 ஆக குறைக்கப்பட்டுள்ளது. அதே போல் ஷேர் டாக்சி சேவைக்கான கட்டணம் ரூ.15ல் இருந்து ரூ.10 ஆக குறைக்கப்பட்டுள்ளது. இந்த புதிய கட்டணம், இன்று முதல் அடுத்த ஆண்டு ஜனவரி 31ம் தேதி வரை அமலில் இருக்கும் என அறிவித்துள்ளது.