UBER Chennai: ஊபரில் சேரும் பேருந்து, மெட்ரோ ரயில்கள்

ஊபர், ஓலா உள்ளிட்ட போக்குவரத்துக்கான ஆன்லைன் மொபைல் செயலிகள் கொரோனாவுக்குப் பிறகு மீண்டும் முழுவீச்சில் சேவையைத் தொடங்கியுள்ளன. இந்நிலையில், ஊபர் கார், ஆட்டோ, பைக் உள்ளிட்ட சேவைகளுடன் தற்போது பொதுப்போக்குவரத்துக்கான வழிமுறைகளையும் வழங்கும் விதமாக மேம்படுத்தப்பட்டுள்ளது.

கார், பைக், ஆட்டோ மட்டுமன்றி இனி ஊபர் ஆப்பில் பஸ், மெட்ரோ ரயில் ஆகிய வண்டிகளின் வருகை, அருகிலுள்ள பேருந்து நிறுத்தங்களுக்கான வழிகள், வண்டிகளின் நேரம், டிக்கெட் விலை ஆகிய தகவல்கள் கிடைக்கும்.

ஹைதராபாத் மெட்ரோ, டெல்லி மெட்ரோ நிறுவனங்களுடன் இணைந்து ஊபர் இந்த பொதுப் போக்குவரத்தை வழங்குகிறது. இதே வரிசையில் சென்னை மெட்ரோவும் இணைந்ததையடுத்து பொதுப்போக்குவரத்துக்கான ஆப்ஷனும் வழங்கப்பட்டுள்ளது.

பள்ளி மாணவர்களுக்கு கொரோனா.. பதறிப்போன பெற்றோர்!

ஏறக்குறைய அனைத்து விதமான பலதரப்பட்ட சேவைகளையும் ஒரே செல்போன் செயலி மூலம் வழங்கிவிட வேண்டும் என்பதை இலக்காகக் கொண்டு நிறுவனங்கள் போட்டி போட்டு வேலை செய்து வரும் நிலையில், போக்குவரத்துக்கான எல்லா தேர்வுகளையும் ஊபர் ஒரு செயலி மூலம் பெற முடியும் என்ற நிலையைச் சாத்தியமாக்க முயற்சித்துள்ளது ஊபர்.

இத்துடன், 2040க்குள் 100 சதவீத உமிழ்வுகளற்ற (Emission free) வாகனங்களைப் பயன்படுத்த வேண்டும் என்றும் இலக்கு நிர்ணயிக்கப்பட்டுள்ளது குறிப்பிடத்தக்கது.