ஏனோ வானிலை மாறுதே ! சென்னையில் மழை

சென்னையில் பல்வேறு பகுதிகளில் கனமழை பெய்து வருகிறது.

தமிழகத்தில் தென் மேற்கு பருவமழை பெய்து வருகிறது. மழையின் காரணமாக பல ஏரிகள், குளங்கள் ஓரளவுக்கு நிரம்பி வருகின்றன. ஆனால் தூத்துக்குடி மாவட்டம் உள்பட சில மாவட்டங்களில் மட்டும் போதிய அளவு மழை பெய்யவில்லை.

அடுத்த மாதம் 3-வது வாரத்தில் வடகிழக்கு பருவமழை தொடங்கும் என எதிர்பார்க்கப்படுகிறது.

இதற்கிடையே இன்று தமிழகத்தின் வட மாவட்டங்களில் அநேக இடங்களிலும், தென் மாவட்டங்களில் சில இடங்களிலும் மழை பெய்யும் என சென்னை வானிலை மையம் தெரிவித்தது.
அதன்படி சென்னை மற்றும் புறநகர் பகுதியில் மாலை மழை பெய்ய தொடங்கியது.

சென்னையில் கோயம்பேடு, புரசைவாக்கம், பல்லாவரம், அண்ணா சாலை, எழும்பூர், சென்ட்ரல், அசோக்நகர், சோழிங்கநல்லூர், கிண்டி, பரங்கிமலை, விமானநிலையம் உள்ளிட்ட பகுதிகளில் பலத்த மழை பெய்தது.

rain in chennai