Chennai Rains: சென்னை, காஞ்சிபுரத்தில் இன்று லீவு இல்லை

சென்னை மற்றும் காஞ்சிபுரம் மாவட்டங்களில் இன்று அனைத்து பள்ளி, கல்லூரிகளும் வழக்கம்போல இயங்கும்.

கடந்த இரண்டு தினங்களாக தமிழ்நாட்டில், பரவலாக மழை பதிவாகி வரும் நிலையில், அடுத்தடுத்த தினங்களில், கனமழை பெய்யக்கூடும் எனவும் 7ஆம் தேதி அதிக கனமழை பெய்யும் எனவும் இந்திய வானிலை ஆய்வு மையம் எச்சரித்துள்ளது.

பாதுகாப்பு கருதி சில மாவட்ட நிர்வாகங்கள் விடுமுறை அறிவித்துள்ளன. இதன்படி, காரைக்கால், நீலகிரி மாவட்டங்களில் பள்ளி, கல்லூரிகளுக்கும் தூத்துக்குடி, திருவாருரில் பள்ளிகளுக்கும் இன்று விடுமுறை விடப்படுகிறது. புதுச்சேரியில் பள்ளி, கல்லூரிகளுக்கு மட்டுமின்றி அரசு அலுவலகங்களும் விடுமுறை அறிவிக்கப்பட்டுள்ளது.

இந்நிலையில் சென்னை மற்றும் காஞ்சிபுரம் மாவட்டங்களில் இன்று அனைத்து பள்ளி, கல்லூரிகளும் வழக்கம்போல இயங்கும் என மாவட்ட ஆட்சியர்கள் அறிவிப்பு வெளியிட்டுள்ளனர்.

கடந்த இரண்டு நாட்களாக சென்னை, காஞ்சிபுரம் மற்றும் அதன் சுற்றுப்புறங்களில் பரவலாக கனமழை பெய்து போக்குவரத்துக்கு சிரமம் ஏற்பட்டுள்ளது குறிப்பிடத்தக்கது.