CM Palaniswami: நாட்டின் முதல் எலக்ட்ரிக் கார் ”கோனா”- சென்னையில் அறிமுகம் செய்து, பயணித்த தமிழக முதல்வர்!

உலக முதலீட்டாளர்கள் மாநாடு 2018ல் தமிழக அரசு உடன் ஹூண்டாய் நிறுவனம் ஒப்பந்தம் போட்டது. அதன்படி, ரூ.2000 கோடி முதலீட்டில் சென்னையில் மின்சார கார்களை தயாரிக்கும் ஆலை அமைக்கப்பட்டது.

இதில் தயாரிக்கப்பட்ட முதல் எலக்ட்ரிக் காரான “கோனா”வை முதல்வர் பழனிசாமி தலைமைச் செயலகத்தில் இன்று அறிமுகம் செய்து வைத்தார். பின்னர் அவர் எலக்ட்ரிக் காரில் சிறிது தூரம் பயணம் மேற்கொண்டார்.

சுற்றுச்சூழலுக்கு மாசு ஏற்படாத வகையிலான எலக்ட்ரிக் கார்கள் பயன்பாட்டை ஊக்குவிக்க மத்திய அரசு தீவிரம் காட்டி வருகிறது. இதுதொடர்பான அறிவிப்புகள் கடந்த பட்ஜெட்டிலும் வெளியானது.

ஹூண்டாய் கோனா மின்சார காரை அறிமுகம் செய்கிறார் முதல்வர் பழனிசாமி!

அதன்படி, ஹூண்டாய் நிறுவனத்தின் “கோனா” மாடல் எலக்ட்ரிக் கார்கள் இந்தியாவில் மிகவும் முக்கியத்துவம் வாய்ந்தவையாக கருதப்படுகிறது. இதற்காக அந்நிறுவனம் இந்தியாவில் ரூ.7,000 கோடி முதலீடு செய்துள்ளது.

இந்த காரில் 39.2 KWh பேட்டரி இடம்பெற்றுள்ளது. ஒருமுறை சார்ஜ் செய்தால் அதிகபட்சமாக 452 கி.மீ தூரம் வரை பயணிக்கும். கோனா காரின் மின்மோட்டார் 136 hp பவர், 395 Nhm டார்க் திறனை வெளிப்படுத்தும்.

சென்னையில் ஹூண்டாய் மின்சார கார் தயாரிப்பு: ரூ.2000 கோடி முதலீடு!

100 கிமீ வேகத்தை 9.7 விநாடிகளில் எட்டலாம். கோனா எலக்ட்ரிக் காரின் ஆன் ரோடு விலை ரூ.30 லட்சம் ஆகும். டிசி முறையில் 6 மணி நேரத்தில் சார்ஜ் செய்யலாம். ஏசி முறையில் 19 மணி நேரத்தில் சார்ஜ் செய்யலாம். நாட்டின் 11 நகரங்களில் 15 டீலர்கள் மூலம் கோனா கார் விற்பனைக்கு வருகிறது.

மீண்டும் அமோக வரவேற்பு அளித்த இந்தியாவுக்கு கைமாறு செய்த ஜாவா நிறுவனம்..!