சென்னை-சேலம் பயணிகளுக்கு கோவை எக்ஸ்பிரஸில் இருக்கைகள் அதிகரிப்பு!!

சென்னை: கோவை எக்ஸ்பிரஸில் ஜெனரல் பிரிவில் இருந்த சேலம் ரயில் நிலையம் தற்போது, இணைக்கப்பட்ட ஒதுக்கீடு பிரிவுக்கு (Pooled Quata) மாற்றப்பட்டுள்ளது.

சென்னையிலிருந்து சேலம், கோவை உள்ளிட்ட நகரங்களுக்கு பயணம் செய்வோரின் எண்ணிக்கை நாளுக்கு நாள் அதிகரித்து வருகிறது. அதிலும், விடுமுறை நாட்கள் மற்றும் வார இறுதியில் நிறைய பேர் பயணம் மேற்கொள்வதால், தேவையான இருக்கைகள் இல்லாமல் போய் விடுகிறது.

இதையடுத்து, கோவை எக்ஸ்பிரஸில் சென்னை-சேலம் இடையே உள்ள இணைக்கப்பட்ட ஒதுக்கீடு எனப்படும் Pooled Quataவை 300 இலிருந்து 400 ஆக உயர்த்த திட்டமிட்டுள்ளதாக தென்னக ரயில்வே தெரிவித்துள்ளது. இதனால், Pooled Quataவில் சேலம்-சென்னை இடையே டிக்கட் பதிவு செய்யும்போது, சில நேரங்களில் அது உறுதிசெய்யப்படாமல் போகலாம்.

முன்னதாக, கோவை எக்ஸ்பிரஸில் 30 கூடுதல் ஏசி இருக்கைகள் சேர்க்கப்படும் என ரயில்வே நிர்வாகம் சார்பில் தெரிவிக்கப்பட்டுள்ளது என்பது குறிப்பிடத்தக்கது.