பாரதிராஜா மிரட்டல்... தீபாவளிக்கு படங்கள் ரிலீஸ் ஆகுமா? - அபிராமி ராமநாதன் விளக்கம்!

திரையரங்க உரிமையாளர்கள் சங்கம் சார்பில் அதன் தலைவர் அபிராமி ராமநாதன் தமிழக முதலமைச்சர் எடப்பாடி பழனிசாமியை சென்னை தலைமைச் செலகத்தில் இன்று நேரில் சந்தித்து பல்வேறு கோரிக்கைகளை முன்வைத்தார்.

பின்னர் அவர் செய்தியாளர்களிடம் கூறியது:

வரும் 10 ஆம் தேதி முதல் 50% இருக்கைகளுடன் திரையரங்குகளை இயக்க அனுமதி அளித்த முதலமைச்சருக்கு நன்றி தெரிவித்து கொண்டேன். அப்போது தமிழக அரசு சார்பில் விதிக்கப்பட்டுள்ள 8% கேளிக்கை வரியை நீக்க வேண்டுமென்ற எங்களது கோரிக்கையை தற்போதைய சூழலில் நிறைவேற்ற முடியாது என்று முதல்வர் கூறிவிட்டார்.

சனி, ஞாயிறு தவிர்த்து பெரும்பான்மையான நாட்களில் 30% பார்வையாளர்களை வைத்தே திரையரங்குகள் இயக்கப்படுவதால், 50% பார்வையாளர்களுடன் திரையரங்குகளை இயக்குவதில் எந்த பாதிப்பும் இல்லை என்று அபிராமி ராமநாதன் தெரிவித்தார்.

திமுகவிற்குச் சொம்பு தூக்கும் அதிமுக பிரமுகர்: கட்சி ஆஃபீஸ் முற்றுகை!

மேலும், தீபாவளிப் பண்டிகைக்கு புதிய திரைப்படங்களை வெளியிடமாட்டோம் என்ற இயக்குநர் பாரதிராஜாவின் கருத்துக்கு பதிலளித்த அவர், 'இதுகுறித்து இயக்குநர் பாரதிராஜாவிடம் பேச்சுவார்த்தை நடத்தி சுமூக முடிவு எட்டப்படும்' என்றார் அவர்.