சென்னையில் இன்னைக்கும் செம கூல் கிளைமேட்!

புரேவி புயல் மழைக்கு பின் சென்னை மற்றும் புறநகர் புகுதிகளில் கடந்த சில வாரங்களாக பகல் பொழுதில் லேசான வறண்ட வானிலையும், இரவு மற்றும் அதிகாலை பொழுதில் குளிர்ந்த வானிலையும் நிலவி வந்தது.

இந்த நிலையில், வளிமண்டல மேலடுக்கு சுழற்சி காரணமாக சென்னை மற்றும் புறநகர் பகுதிகளில் நேற்று மாலை முதல் அவ்வபோது மழை பெய்து வந்தது. இதன் தொடர்ச்சியாக இன்று காலை முதலே நகரின் பல்வேறு பகுதிகளில் மிதமான மழை பெய்து வருகிறது.

கிண்டி, சைதாப்பேட்டை, வடபழநி, அண்ணாநகர், நுங்கம்பாக்கம், பல்லாவரம் உள்ளிட்ட பல்வேறு இடங்களில் விட்டுவிட்டு மிதமானமழை பெய்து வருகிறது.

மீண்டும் சூழும் கருமேகங்கள்...சென்னைக்கு மழை வாய்ப்பு!

சென்னை, செங்கல்பட்டு, காஞ்சிபுரம், திருவள்ளூர் ஆகிய மாவட்டங்களில் அடுத்த 24 மணி நேரத்தில் மிதமான மழைக்கு வாய்ப்பு உள்ளதாகவும், நகரின் அதிகபட்ச பகல்நேர வெப்பநிலை 30 டிகிரி செல்சியஸை ஒட்டியே பதிவாகும் எனவும் வானிலை ஆய்வு மையம் தெரிவித்துள்ளது.