பாரம்பரியம் மாறாத பழைய ரயில்

நீராவி என்ஜின் மூலம் இயங்கக்கூடிய 58 ஆண்டுகள் பழைமையான பாரம்பரிய ரயில் சென்னையில் இன்று இயக்கப்பட்டது.

ஆங்கிலேயர்கள் இந்தியர்களுக்கு அளித்த கொடையில் மிகவும் சிறப்பு வாய்ந்தது ரயில் தான். உலகிலேயே அதிக தொழிலாளர்கள் பணிபுரியும் பெரிய நிறுவனமாக நமது இந்திய ரயில்வே உள்ளது அதன் சிறப்பு எத்தகையது என்பதை நமக்கு உணர்த்தும்.

இந்திய ரயில்வேயின் பாரம்பரியத்தை விளக்கும் வகையில் ஒவ்வொரு ஆண்டும் சுதந்திர தினமன்று நீராவி என்ஜினுடன் கூடிய பாரம்பரிய ரயில் இயக்கப்படுவது வழக்கம். இந்த வருடம் பாரம்பரிய ரயிலுக்கு பதிலாக மற்றொரு ரயில் இயக்கப்படுவதாக அறிவிக்கப்பட்டிருந்தது. அதன்படி மூவர்ண கொடி அமைப்பில் அலங்கரிக்கப்பட்ட பாரம்பரிய ரயில் இன்று சென்னை எழும்பூர் முதல் கோடம்பாக்கம் வரை இயக்கப்பட்டது.

ரயில் நிலையங்களில் நின்று கொண்டிருந்த பயணிகளும், குழந்தைகளும் பாரம்பரிய ரயிலை பார்த்து ரசித்து மகிழ்ந்தனர்.

Traditional train running today in chennai