உதயநிதியைத் தோற்கடிக்கப் பணம் கொடுத்த அதிமுக: ஆதாரம் சிக்கியது!

திமுக இளைஞரணி செயலாளர் உதயநிதி ஸ்டாலின் சென்னை சேப்பாக்கம்- திருவல்லிக்கேணி தொகுதியில் போட்டியிடுகிறார். திமுகவின் நட்சத்திர வேட்பாளராகப் பார்க்கப்படும் உதயநிதியின் வாக்கு வங்கியைக் குறைக்க அதிமுகவினர் தீவிர வேட்டையில் இறங்கியுள்ளனர்.

இந்த சூழலில் அதிமுகவினர் தங்கு தடையில்லாமல் வாக்காளர்களுக்குப் பணப் பட்டுவாடா செய்யும் வீடியோ காட்சி வெளியாகி பெரும் பரபரப்பை ஏற்படுத்தியுள்ளது.

சேப்பாக்கம்-திருவல்லிக்கேணி சட்டமன்றத் தொகுதியில் அதிமுக சார்பில் அதன் கூட்டணிக் கட்சியான பாமக பொருளாளர் கசாலி போட்டியிடுகிறார்.

“ஏன் தம்பி ஏன்...”: பிரச்சாரத்தில் குஷ்புவைக் கதறவிட்ட மாணவர்!

இந்த நிலையில் அதிமுகவின் சிறுபான்மை பிரிவு துணைச் செயலாளராக உள்ள ஜெ. எம் பஷீர் என்பவர் வாக்காளர்களுக்குப் பணம் வழங்குவது தெளிவாக வீடியோவில் பதிவாகியுள்ளது.

அந்த வீடியோவில் சேப்பாக்கம் தொகுதிக்குட்பட்ட ஒரு வீட்டில் பெண்களுக்கு அதிமுக சார்பில் அச்சடிக்கப்பட்ட துண்டுப் பிரசுரத்துடன் 500 ரூபாய் நோட்டுகள் வழங்கப்படுகின்றன. சேப்பாக்கம் தொகுதியைச் சேர்ந்த பெண்கள்தான் என உறுதி செய்து கொண்ட பின்பே, ஜெ. எம் பஷீர் பணத்தை அவர்களிடத்தில் வழங்குகிறார்.