போயஸ் கார்டன் இல்லை... சென்னையில் எங்கு தங்குகிறார் சசிகலா?

முன்னாள் முதல்வர் ஜெயலலிதாவின் தோழியான சசிகலா, ஜெயலலிதாவுடனான சொத்துக்குவிப்பு வழக்கில் 4 ஆண்டுகள் சிறைதண்டனை முடிந்து கடந்த வாரம் விடுதலையான நிலையில், இன்று சென்னை திரும்புகிறார்.

உடல்நலக் குறைவு காரணமாக பெங்களூருவில் தங்கியிருந்த சசிகலா தற்போது சென்னை வருகிறார். இவர் வரும் வழியில் அதிமுக கொடியை தனது காரில் பயன்படுத்தக் கூடாது என்பன உள்ளிட்ட தடை உத்தரவுகள்பிறப்ப்பிக்கப்பட்டிருந்தன.

இந்நிலையில், சசிகலாவின் உறவினர்களின் சொத்துகள் அரசுடைமை ஆக்கப்பட்டுள்ளன. அவர் வருகையைக் குறிவைத்துதான் சென்னை மெரீனாவில் உள்ள ஜெயலலிதா நினைவகத்துக்கான பார்வை அனுமதி எல்லோருக்கும் மறுக்கப்பட்டுள்ளது என்றும் தகவல்கள் பரவி வருகின்றன.

சசிகலாவால் பீதியில் உள்ள தினகரன்: ஜெயக்குமார் சொல்வது என்ன?

இந்நிலையில், சசிகலா சென்னை வந்து தங்கப்போவது எங்கு என்பது குறித்து பல்வேறு யூகங்கள் உலவத் தொடங்கிவிட்டன.

எங்கு தங்குகிறார்?

தி.நகரில் உள்ள கிருஷ்ணப்பிரியா இல்லத்துக்கு அருகில் உள்ள ஒரு வீட்டில் தங்க ஏற்பாடு செய்யப்பட்டுள்ளது.