மாவட்ட செயலாளரால் சிதைந்து போகும் அதிமுக... கண்டு கொள்ளுமா தலைமை?

சென்னை மயிலாப்பூர் பகுதி, 122 வது வட்டத்தை சேர்ந்தவர் மதுரம் இவர் புரட்சித் தலைவர் எம்.ஜி.ஆர் கட்சியை ஆரம்பித்தது முதல் தற்போது வரை கட்சியில் இருந்து வருகிறார்.

122 வது வட்டத்தில் வட்ட துணை செயலாளராக 20 ஆண்டுகளுக்கு மேலாக கட்சிக்காக பணியாற்றி வருகிறார்.

இந்நிலையில் புதிதாக தென்சென்னை தெற்கு (கிழக்கு) மாவட்ட செயலாளராக, ஓபிஎஸ் சின் தீவிர ஆதரவாளரான வேளச்சேரி அசோக் என்பவர் சமீபத்தில் நியமிக்கப்பட்டார்.

அவர் மாவட்ட செயலாளராக நியமிக்கப்பட்ட நாள் முதலே கட்சியில் பல்வேறு பிரச்சனைகள் எழ துவங்கிவிட்டது.

தற்போது மயிலாப்பூர் 122 வது வட்டத்திற்கு கோபி என்பவரிடம் பணத்தை வாங்கிக் கொண்டு மாவட்ட செயலாளர் வேளச்சேரி அசோக், வட்ட செயலாளராக கோபிக்கு பொறுப்பு வழங்கியுள்ளார். கட்சியில் 30 வருடங்களாக உழைத்து வருபவரை உதறி தள்ளி விட்டு புதிதாக ஒருவரை வட்ட செயலாளராக நியமித்ததற்கு எதிர்ப்பு தெரிவித்து 300 க்கும் மேற்பட்ட பெண்கள் இராயபேட்டையில் உள்ள தலைமை கழகத்தில் அமர்ந்து தர்ணா போராட்டத்தில் ஈடுபட்டு விசாரணை நடத்த வேண்டும் என முழக்கமிட்டனர்.

மக்கள் என்ன சோதனை எலிகளா? தடுப்பூசி போடுவதற்கு திருமா எதிர்ப்பு!

இதே போல் கடந்த மாதம் வேளச்சேரி பகுதியில் அசோக்கை மாவட்ட செயலாளராக நியமித்ததற்கு எதிர்ப்பு தெரிவித்து 500க்கும் மேற்பட்டோர் அதிமுக தலைமை அலுவலகத்தில் போராட்டத்தில் ஈடுபட்டனர்.

கடந்த 7 ஆண்டுகளுக்கு மேல் கட்சியில் எந்த பதிவியிலும் இல்லாத வேளச்சேரி அசோக் என்பவர் எந்தவொரு கட்சி நிகழ்விலும் பங்கு கொள்ளாமல் இருந்து வந்தார். கடந்த சட்டமன்ற தேர்தலில் 2016ம் ஆண்டு அசோக்கிற்கு எம்.எல்.ஏ சீட்டு வழங்காததால் நீலாங்கரை முனுசாமியை உள்ளடி வேலை பார்த்து தோற்கடித்தார் என்பது கூட மறைந்த முதலமைச்சர் அம்மா அவர்களிடம் புகாராக கொடுக்கபட்டது குறிப்பிடத்தக்கது.

தொடர்ந்து சர்ச்சையில் சிக்கும் மாவட்ட செயலாளர் வேளச்சேரி அசோக் கட்சியில் பொறுப்பில் உள்ளவரை இவர் பொறுப்பு வகிக்கும் வேளச்சேரி மற்றும் மயிலாப்பூர் தொகுதியில் திமுக எளிதில் வெல்ல வழி வகுக்கும் என்பதில் சந்தேகமில்லை, இதனை அதிமுக தலைமை சரி செய்யுமா? பொறுத்திருந்து பார்ப்போம்.