கோவை: தமிழுக்காக programming போட்டி நடத்தும் அரசு கல்லூரி மாணவர்கள்

கோவை அரசினர் தொழில்நுட்பக் கல்லூரியின் தமிழ் மற்றும் நுண்கலை மன்றம் மற்றும் உலகத் தமிழ் தகவல் தொழில்நுட்ப மன்றம் மற்றும் இன்ஃபிட் (INFITT-INTERNATIONAL FORUM FOR INFORMATION TECHNOLOGY IN TAMIL) அமைப்பு இணைந்து நிரல்களம்'21 (HACKATHON FOR TAMIL) என்ற பெயரில் பன்னாட்டு அளவிலான கல்லூரி மாணவர்களுக்கிடையேயான தமிழ் தொழில்நுட்ப போட்டியை இணையவழியில் மார்ச் 5,6, 7 ஆகிய தேதிகளில்(ONLINE) நடத்துகிறது.

தமிழ் இலக்கியம் மற்றும் கலைகளை தற்கால தொழில்நுட்பங்கள் மூலம் மேம்படுத்துவது மற்றும் மாணவர்களிடம் இதுகுறித்த விழிப்புணர்வை ஏற்படுத்தும் நோக்கில் இப்போட்டி நடத்தப்படுகிறது.

இதற்கான முன்பதிவு கீழேயுள்ள வலைத்தளத்தில் பிப்ரவரி 10 முதல் பிப்ரவரி 25 வரை நடைபெறும்.அணிக்கு 2 முதல் 4 நபர்கள் பங்கேற்கலாம்.பணியில் இருப்போர் பங்கேற்க விரும்பினால் அணிக்கு ஒருவர் மட்டும் இடம்பெறலாம்.

அதிமுகவின் முதல் எழுத்து அடிமையா? ஜோதிமணி காட்டம்

பங்கேற்க விரும்பும் அனைத்து கல்லூரி மாணவர்களும் கீழேயுள்ள வலைத்தளத்தில் பதிவு செய்ய விரும்புவோர் https://tmfa-gct.com என்ற வலைதளத்தைப் பயன்படுத்தலாம்.

பொதுவாக, நிரலாக்கப் போட்டிகள் என்றாலே அவை ஆங்கில நிறுவனங்களின் தேவையைப் பூர்த்தி செய்யும் கோரிக்கைகளுக்காக நிரல்களாகவே இருக்கும். இந்நிலையில் முழுக்க முழுக்க தமிழுக்காக நடத்தப்படும் ஹேக்கத்தான் போட்டி இது என்பது குறிப்பிடத்தக்கது.