தேர்தல் பிரச்சாரம் தொடங்கும் முன் முதல்வர் ஃபாலோ பண்ணும் சென்டிமென்ட்!

சட்டமன்ற தேர்தலையொட்டி தமிழகம் முழுவதும் தீவிர பிரச்சாரம் மேற்கொண்டுவரும் முதல்வர் எடப்பாடி பழனிசாமி நேற்றிரவு கோவை வந்தார். இன்று மற்றும் நாளை கோவை மாவட்டத்துக்குட்ட பத்து சட்டமன்ற கொகுதிகளிலும் அவர் பிரச்சாரம் மேற்கொள்ள உள்ளார்.

தமது பிரச்சாரத்தை தொடங்கும்முன் அவர், கோவை மாநகரில் அமைந்துள்ள பிரசித்தி பெற்ற கோனியம்மன் கோவிலில் சாமி தரிசனம் செய்தார். கோவிலுக்கு வந்த முதல்வருக்கு நிர்வாகம் சார்பில் சிறப்பான வரவேற்பு அளிக்கப்பட்டது.

தொடர்ந்து அம்மனை தரிிசித்த முதல்வருக்கு பூரண கும்ப மரியாதை அளிக்கப்பட்டது. இதனையடுத்து அவர் கோவை ராஜவீதி பகுதியில் பொதுமக்கள் மற்றும் கட்சியினர் மத்தியில் உரையாற்றினார். தொடர்ந்து செல்வபுரம், பேரூர், கோவை புதூர் போன்ற பகுதிகளில் பரப்புரை மேற்கொள்ளவுள்ளார்.

அம்மனின் அருளைப் பெற முதல்வரின் செம பிளான்!

ஒவ்வொரு மாவட்டத்திலும் தேர்தல் பிரச்சாரத்தை தொடங்குமுன், அங்குள்ள கோயில்களின் சாமி தரிசனம் செய்வதை முதல்வர் வழக்கமாக கொண்டுள்ளார்.

காங்கிரஸ் தலைவர் ராகுல் காந்தி இன்று முதல் மூன்று நாட்களுக்கு கொங்கு மண்டலத்தில் தேர்தல் பிரச்சாரம் மேற்கொள்ள உள்ள நிலையில், முதல்வரும் அங்கு இரண்டு தினங்களுக்கு பிரச்சாரம் மேற்கொள்வது குறிப்பிடத்தக்கது.