கே.என்.நேரு போட்ட மாஸ்டர் பிளான்; கோவை மக்களுக்கு சூப்பர் தகவல்!

எனவே அவர் மூலம் அடுத்தகட்ட நடவடிக்கைகளுக்கு அச்சாரம் போடப்பட்டுள்ளது. இதற்கிடையில் நகர்ப்புற மேம்பாட்டு திட்டங்களை அமல்படுத்துவது தொடர்பாக நகராட்சி நிர்வாகத்துறை அமைச்சர் கே.என்.நேரு கோவையில் களப்பணி மேற்கொண்டு வருகிறார். அந்த வகையில் கோவை மாவட்ட ஆட்சியர் அலுவலகக் கூட்டரங்கில் கோவை மாவட்ட வளர்ச்சி திட்டப் பணிகள் குறித்து அமைச்சர் கே.என்.நேரு தலைமையில் இன்று (ஜூன் 15) ஆய்வுக்கூட்டம் நடைபெற்றது.

இதில் கோவை மாவட்டத்தில் தற்போது வரை மேற்கொள்ளப்பட்ட வளர்ச்சிப் பணிகள் குறித்தும், வரும் காலங்களில் மேற்கொள்ளப்பட வேண்டிய வளர்ச்சித் திட்டப் பணிகள் குறித்தும் உள்ளாட்சி பிரதிநிதிகள், அரசு அலுவலர்களுடன் ஆலோசனை நடத்தப்பட்டது. குறிப்பாக கோவையில் குடிநீர் விநியோகம் குறித்து ஆலோசனை மேற்கொள்ளப்பட்டது. 24 மணி நேரமும் குடிநீர் வழங்கும் வகையில் முன்னேற்பாடுகள் செய்யப்பட்டு வருவது குறிப்பிடத்தக்கது. இதற்கிடையில் கோவையை மேம்படுத்த பல்வேறு புதிய திட்டங்களை உருவாக்க திமுக அரசு தயாராகி வருவதாக தகவல்கள் தெரிவிக்கின்றன.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இந்த ஆய்வுக் கூட்டத்தில் தொழிலாளர் நலத்துறை அமைச்சர் சி.வி கணேசன், கோவை மாவட்ட ஆட்சியர் ஜி.எஸ்.சமீரன், கோவை நாடாளுமன்ற உறுப்பினர் பி.ஆர்.நடராஜன், கோவை மாநகராட்சி ஆணையாளர் பிரதாப், கோவை மேயர் கல்பனா ஆனந்தகுமார், துணை மேயர் வெற்றிச்செல்வன் உள்ளிட்ட பல்வேறு துறைகளை சார்ந்த அரசு அலுவலர்கள் கலந்து கொண்டனர். இந்த ஆய்வுக் கூட்டத்தை தொடர்ந்து பில்லூர் அணையை அமைச்சர் கே.என்.நேரு ஆய்வு செய்ய உள்ளார்.